Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Oktyabr 2017


11 şəhidimizlə bağlı matəm elan ediləcəkmi? – Millət vəkili

Ana səhifə Gündəm
12 Punto 14 Punto 16 Punto 18 Punto

"Təqvimimizdə zatən matəm günləri qələbə günlərindən daha çoxdur. Ağlamaqdansa, matəm elan etməkdənsə, bu hadisələrə qarşı hazır olmalıyıq".

Bu sözləri Axar.az-a deputat Fazil Mustafa cəbhənin təmas xəttində 11 əsgərimizin şəhid olması ilə bağlı matəm elan edilməsi barədə danışarkən dedi.

Millət vəkili qeyd edir ki, matəm elən etməklə nəyisə həll etmək mümkün deyil:

"Baş verən hadisənin son dərəcə üzücü və ürək acıdıcı bir hal olduğunu hamımız görürük və bu, bütün ölkəni narahat edir. Həqiqətən də böyük itkidir. Allah şəhidlərimizin hər birini rəhmət etsin. Ancaq bu hadisələr qarşısında matəm elan etmək lazım deyil. Günümüzü ağlamaqla keçirməyə adət etməməliyik. Ağlamaqdansa, matəm elan etməkdənsə, bu hadisələrə qarşı hazır olmalıyıq. Matəm elan etmək çıxış yolu deyil".

F.Mustafa təklif edir ki, bu tip hallara hazır olmaq, hərbi xidmətə yola salınan gənclərdə silahla davranmaq qabiliyyəti formalaşdırmaq lazımdır:

"Orta məktəblərdə hərbi hazırlıq dərsləri bərpa edilməlidir. Bu gün hərbiyə gedən gənclərin əksəriyyəti yetkin səviyyədə silahla davrana bilmirlər. Xüsusilə yeni əsgərlər orduya gələnə qədər silahdan istifadə qaydasını bilməlidirlər. Bunu ciddi vərdişə çevirməlidirlər. Bu gün hərbi təhsil ortadan qalxıb. Hərbiyə maraq o qədər azalıb ki, gənc oğlanların əksəriyyəti qadın davranışlarını daha çox mənimsəyirlər. Hansısa sərt şərtlərə hazır olmurlar. Gənc oğlanlar arasında əlbəyaxa döyüş növünü, atıcılığı inkişaf etdirmək lazımdır ki, hərbiyə çağırılan gənclər hansısa vərdişlərə əvvəlcədən yiyələnmiş olsunlar".

Qeyd edək ki, cəbhənin Ağdam istiqamətində gedən atışma nəticəsində 11 əsgərimiz şəhid olub. Müdafiə Nazirliyi məlumatı təsdiqləsə də, ölənlərin sayı barədə konkret məlumat verməyib.

Tarix
2014.08.01 / 12:28
Müəllif
Nigar İxtiyarqızı
Şərhlər
loading...
Digər xəbərlər

Tiflis İrəvana qarşı Bakınının maraqlarını nəzərə alır – Ekspert

Qarşıdurma böyüyür: ABŞ-ın Kürdüstan planı...

ABŞ səfiri eyham vuran kimi Türkiyədə terakt baş verdi

Ərdoğandan ermənilərə tutarlı cavab

İlham Əliyev: Azərbaycanda potensial təhlükələr...

Türkmənistan liderindən İlham Əliyevə məktub

Zakir Həsənov: Ordumuz bunları yerinə yetirməyə qadirdir

Ukrayna mediası Azərbaycandan yazdı: Tarixi sənəd...

Azərbaycanda Rusiyaya məhəbbət... - Məqalə

İlham Əliyev 3 sərəncam, 1 fərman imzaladı

KULT
<>
Xəbər xətti
 
SORĞU
Ermənilərin Qarabağı sülh yolu ilə azad edəcəyinə inanırsınızmı?
  
  
  
  
Axar.az'da reklam Bağla
Reklam
Bize yazin Bağla