Ana səhifə Gündəm |
"Yeni Müdafiə naziri təyin olunan vaxtda bir sıra təkliflər vermişdim".
Bu sözləri millət vəkili Fazil Mustafa özünün Feysbuk səhifəsində ordu quruculuğu ilə bağlı yazdığı statusda qeyd edib. Axar.az xəbər verir ki, millət vəkili nöqsanların aradan qaldırılması barədə təkliflər səsələndirib:
"Bu gün baş verən hadisələr on il öncə komandir kimi xidmət etdiyim ərazidə olduğundan problemlər barədə əsasən təsəvvürüm var. Təkliflərimdən biri də bu idi ki, yeni rəhbərlik heç olmasa iki ayda bir dəfə Milli Məclisin Təhlükəsizlik, Dövlət Quruculuğu və İnsan Hüquqları Komitələrinin birləşmiş tərkibi ilə görüşüb fikir mübadiləsi aparsın, aldığımız bilgiləri ordu rəhbərliyi ilə bölüşə bilək və ən azı qanunvericilikdə olan natamamlıqların aradan qaldırılmasına köməklik edək. Orduya parlament nəzarəti deyilən mexanizm Azərbaycandan başqa dünyanın hər yerində var. Hərbi ombudsman institutunun təsis olunması ordudakı qanunsuzluqların aradan qalxmasına kömək edə bilər və s. İndi oturub deputatları ittiham edəndə bu nüansları da diqqətdən qaçırmamaq lazımdır. Ordu qapalı müəssisədir, salam veririk, salamı almırlar. İndiyədək bir dəfə də olsun Müdafiə naziri Milli Məclisi hansısa mövzu ilə bağlı qapalı formada belə məlumatlandırmayıb. Fərdi təşəbbüslə məsələləri həll etmək isə bu sahədə demək olar ki, mümkünsüzdür. No enter!"
Tarix
2014.08.02 / 00:51
|
Müəllif
Şəmsəddin Ənsar
|