ABŞ səfirliyi öz vətəndaşlarını Ermənistanda kütləvi etiraz aksiyalarının keçirildiyi yerlərə getməkdən çəkinməyə çağırıb.

Axar.az Report-a istinadla xəbər verir ki, ABŞ-ın İrəvandakı səfirliyi bu barədə rəsmi xəbərdarlıq yayıb.

“ABŞ səfirliyi Ermənistanda davam edən etiraz aksiyalarından xəbərdardır. Nümayişlərin gözlənilməz nəticələri zorakılıq halları yarada bilər. Sizin təhlükəsizliyiniz üçün etiraz aksiyaları keçirilən yerlədən kənar durmağı və hadisələrlə bağlı məlumatı KİV-dən izləməyi məsləhət görürük”, - xəbərdarlıqda bildirilib.

Xatırladaq ki, 7 gündür İrəvanda Serj Sərkisyanın hakimiyyəti baş nazir kimi yenidən qəsb etməsinə qarşı aksiyalar keçirilir. Paşinyanın rəhybərliyi altında baş tutan aksiyalarda polis zorakılığı müşahidə olunur. Onlarla şəxs həbs edilib.