Braziliya-Azərbaycan Dostluq qrupunun sədri, deputat Klaudio Kajado Azərbaycan Respublikasının Prezidenti, zati-aliləri İlham Əliyevin demokratik və suveren şəkildə yenidən Azərbaycan Respublikasının prezidenti seçilməsi münasibəti ilə təbrik məktubu ünvanlayıb.

Axar.az xəbər verir ki, məktubda Kladio Kajado Azərbaycan Respublikasına yüksək hörmətinin və heyranlığının olduğunu qeyd edərək, prezident İlham Əliyevə yeni prezidentlik dövründə müvəffəqiyyətlər və nailiyyətlər arzulayıb.

O, bu dövrün Azərbaycan üçün daha da uğurlu və nailiyyətlərlə dolu olacağını əminliklə vurğulayıb.

Azərbaycanın beynəlxalq əlaqələr sisteminin mühüm üzvü olduğunu və dostluq qrupunun sədri kimi, Azərbaycanla Braziliya arasında dostluq əlaqələrini gücləndirməyə yönəlmiş işlərdə dəstək verməyə hər zaman hazır olduğunu da Deputat qeyd edib.