Yuxarı

Akopyanın qovulma səbəbi: Cəbhədə təxribat ssenarisi...

Ana səhifə Gündəm
12 Punto 14 Punto 16 Punto 18 Punto

Akopyanın istefaya göndərilmə səbəbi Ermənistan silahlı qüvvələrində “Qarabağ sindromu”nun aradan qaldırılması ilə də bağlı ola bilər.

Bu sözləri Axar.az-a açıqlamasında analitik Elçin Mirzəbəyli Paşinyanın Baş Qərargah rəisi Movses Akopyanın işdən azad edilməsi qərarına münasibət bildirərkən deyib. O bildirib ki, Movses Akopyan Serj Sərkisyandan daha çox Rusiyanın adamıdır:

“Əgər belə olmasaydı, Rusiya Azərbaycan ərazilərinin işğalında iştirak etmiş və separatçı rejimin qanunsuz hərbi birləşmələrinə rəhbərlik edən Akopyanın 2002-ci ildə Moskvada yerləşən Frunze adına Hərbi Akademiyada təhsil almasına imkan yaratmazdı. Bu faktın özü həm də Rusiyanın Azərbaycanın işğal olunmuş ərazilərində formalaşdırılmış qeyri-qanuni rejim üçün hərbi kadrlar hazırladığını sübuta yetirir. Movses Akopyan Xocalı soyqırımının həyata keçirilməsinin əsas icraçılarından olan 366-cı alayın rəhbərlərindən biri olub. Xocalı soyqırımından təxminən 10-15 gün sonra alayı tərk edib. O, azərbaycanlılara qarşı törətdiyi vəhşiliklərə görə Ermənistan ordusunda xüsusi statusa malikdir və bu status siyasi rəhbərliyi ciddi şəkildə narahat edir”.

Analitik vurğulayıb ki, Akopyan hərbi çevrilişi həyata keçirə biləcək əsas fiqurlardan biri sayılırdı:

“Ola bilsin ki, məhz bu təhlükə Movses Akopyanın istefaya göndərilməsi üçün zəmin yaradıb. Akopyan Ermənistan silahlı qüvvələrində Azərbaycan torpaqlarının işğalı prosesində iştirak edən və ən yüksək postda təmsil olunan fiqur sayılırdı. O istefaya göndərildikdən sonra prosesin daha aşağı pillələrdə davam etdirilməsi ehtimalı da var. Paşinyanın Akopyanı istefaya göndərməsinin səbəblərindən biri də ikincinin təmas xəttində, yaxud sərhəd bölgəsində genişmiqyaslı təxribata əl atması ola bilər. Çünki Paşinyan üçün bu gün ən böyük təhlükə hərbi əməliyyatların başlanması perspektividir. Bu, Paşinyanın hakimiyyətinə son qoya və Qarabağ klanının mövqelərini möhkəmləndirə bilər”.

Qeyd edək ki, Ermənistanın Baş naziri Nikol Paşinyanın təklifi ilə Baş Qərargah rəisi Movses Akopyan vəzifədən uzaqlaşdırılıb. Armen Sərkisyan onun yerinə Artak Davtyanı təyin edib.

Tarix
2018.05.25 / 09:13
Müəllif
Firuzə Vahidqızı
Şərhlər
Digər xəbərlər

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla