Yuxarı

Proses Bakının nəzarətindədir: İrəvanın TOR-larına qarşı...

Ana səhifə Gündəm
12 Punto 14 Punto 16 Punto 18 Punto

Azərbaycan Ermənistanın hazırkı təlaşını və bu fonda Rusiyadan yeni silahlar almasını diqqət mərkəzində saxlayır.

Bu sözləri Axar.az-a Rusiyanın Ermənistana TOR sistemləri verməyə hazırlaşması haqda danışarkən politoloq Tofiq Abbasov deyib. Politoloq Rusiyanın müttəfiqinə sözügedən sistemləri verməsini mümkün sayıb:

“Baxmayaraq ki, hər iki dövlət KTMT-nin üzvüdür, Ermənistanla Rusiya arasında ikitərəfli müttəfiqlik müqaviləsi var. Rusiyanın Ermənistanda böyük siyasi-hərbi maraqları olduğundan Moskva İrəvana hər zaman diqqət göstərir və yardım edir. Düzdür, Azərbaycanın da bu sarıdan Rusiya ilə müvafiq razılaşması var. Ancaq Azərbaycan və Ermənistan arasında davam edən hərbi münaqişə vəziyyəti mürəkkəbləşdirir. Bir halda ki, Ermənistana strateji əhəmiyyətli silahlar verilir, onda Rusiya beynəlmiləl razılaşmalar və müqavilələr əsasında Azərbaycanla Ermənistan arasındakı balansı pozmamalıdır. Moskvanın bununla bağlı öhdəliyi var”.

Politoloq qeyd edib ki, Ermənistan nə qədər çalışsa da, bu sahədə ölkəmizi üstələyə bilməyəcək:

“Azərbaycan Ermənistanın hazırkı təlaşını və bu fonda Rusiyadan yeni silahlar almasını diqqət mərkəzində saxlayır. Hazırda hərbi potensial imkanlarına görə Azərbaycan düşməni ən azı üç dəfə üstələyir. Bu da ondan xəbər verir ki, Azərbaycanın hərbi siyasi konsepsiyası ilə bağlı prezidentin təsdiqlədiyi sənəd ölkənin hərbi sahədə gedişlərini, inkişafını, ordu quruculuğunu və müdafiə potensialının möhkəmlənməsini reqlamentləşdirir. Ona görə də Ermənistanın Rusiyadan TOR sistemləri alması müqabilində Bakı öz hazırlıqlarını görəcək. Buna heç bir şübhə yoxdur və ola da bilməz. Bu, Azərbaycan üçün əlçatmaz məsələ deyil”.

Qeyd edək ki, erməni mətbuatı Rusiyanın Ermənistana TOR sistemləri verməyə hazır olması haqqında xəbərlər yayıb.

TOR haqqında dünən parlamentdə çıxışı zamanı Ermənistan Baş naziri Nikol Paşinyan da danışıb. Deputatların bu sistemlərin əldə olunması haqqında razılığın nə zaman imzalanacağı ilə bağlı sualına Paşinyan “bu məlumat məxfidir” cavabını verib.

Tarix
2018.05.25 / 09:00
Müəllif
Aygün Yusibova
Şərhlər
Digər xəbərlər

ABŞ-ın bu addımları bizi məyus edir - Hacıyev

Bakı və İrəvan sülhə yaxındır, ancaq… - Hacıyev

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla