Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Sentyabr 2018


Patruşev nəyi nəzərdə tutub: Bakının güzəşti nədir? – Şərh

Ana səhifə Gündəm
12 Punto 14 Punto 16 Punto 18 Punto

Patruşevin Qarabağın həlli ilə bağlı səsləndirdiyi fikirlər bu günə qədər aparılan danışıqların mahiyyətini əks etdirir.

Bu sözləri Axar.az-a açıqlamasında analitik Elçin Mirzəbəyli deyib. O bildirib ki, əslində Azərbaycanın da hər zaman mövqeyi problemin öz mərhələli həllini tapması olub:

“Yəni ilk növbədə Dağlıq Qarabağ ətrafındakı rayonlar işğaldan azad edilməli, qaçqın və köçkünlər öz ərazilərinə qayıtmalı, Dağlıq Qarabağın statusu Azərbaycanın tərkibində müəyyənləşdirilməlidir. Problemin həlli istiqamətində digər bu kimi addımlar, ümumiyyətlə, təhlükəsizliklə bağlı amillər həyata keçirilməlidir. Əslində, Patruşevin söylədikləri prinsip etibarı ilə bu günə qədər aparılan danışıqların, eyni zamanda, məsələyə Azərbaycanın da yanaşmasının müəyyən hissəsini əks etdirib”.

Analitik Patruşevin açıqlamasında bütün tərəflərin maraqlarının nəzərə alınacağını söyləməsinə də münasibət bildirib:

“Patruşev “tərəflərin maraqları” dedikdə, konkret olaraq nə demək istədiyini səsləndirməyib. O, iqtisadi faktorları da nəzərdə tutmuş ola bilər. Yəni Ermənistan işğala son qoyarsa və işğalçı qoşunlar Azərbaycan ərazisindən geri çəkilərsə, o zaman Ermənistanın kommunikasiya vasitələri bərpa oluna bilər. Bununla da Ermənistanın regionda həyata keçirilən layihələrdə iştirakı üçün imkanlar yaranar və s. Bu gün Ermənistan cəmiyyətində etiraf edirlər ki, işğal nəticəsində Azərbaycanın tətbiq etdiyi, yaratdığı, formalaşdırdığı blokada rejimi Ermənistanın tamamilə iflas olmasına gətirib çıxarır. Bu baxımdan da münaqişənin həlli şübhəsiz ki, Ermənistanın ətrafındakı vəziyyəti maksimum dərəcədə dəyişə bilər. Ola bilsin ki, o, sırf bu amilləri nəzərdə tutub”.

E.Mirzəbəyli vurğulayıb ki, Azərbaycan dəfələrlə öz torpaqlarının bir qarışının da itirilməsi ilə barışmayacağını bəyan edib:

“Yəni Azərbaycanın ərazi ilə bağlı hansısa bir kompromisə getməsi gözlənilən deyil. Bu kompromislər digər faktorlarla bağlı ola bilər (Ermənistanla Qarabağda yaşayan ermənilərin əlaqələrinə hər hansı bir maneənin törədilməməsi, Ermənistanın regionda gedən bütün proseslərə inteqrasiyasının təmin olunması və s.) Bu aspektlərdən məsələyə yanaşmaq olar. Amma konkret olar Patruşev nəyi nəzərdə tutub, bunu söyləmək mümkün deyil. Çünki o öz fikirləri haqqında ətraflı məlumat verməyib”.

Qeyd edək ki, Rusiyanın Təhlükəsizlik Şurasının katibi Nikolay Patruşev erməni həmkarı Armen Qriqoryanla görüşüb. O görüşdə bildirib ki, Rusiya bütün tərəflərin maraqlarını nəzərə almaqla, Dağlıq Qarabağ konfliktinin sülh və mərhələli şəkildə həllinə sadiqdir.

Tarix
2018.07.10 / 09:07
Müəllif
Firuzə Vahidqızı
Şərhlər
Загрузка...
Digər xəbərlər

Nikolun qəsdli addımları: Bakı seyrci qalmayacaq

Fransız nəşrindən Qarabağ haqda: Artıq vaxtdır!

Bu qədər insanın Aşurada qan verməsi... - Millət vəkili

Nikolun yalvarışı: Makron onu bu sözlə başından etdi

İrəvan informasiya savaşında da Bakıya uduzur - Martirosyan

İordaniya nəşri Qarabağdan yazdı: Türkiyənin Bakıya dəstəyi...

Paşinyan ölkəni xaosa sürükləyir - Analitik

Paşinyan dünyaya sübut etdi ki, Bakı müharibə etməlidir – Şərh

Qətlə yetirilən Etimad İsmayılovun qalmaqallı - Həyatı

Ərdoğan və Putindən dünyaya möhtəşəm mesaj – Ekspert

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla