Ana səhifə Gündəm |
Konvensiyanın imzalanmasından sonra Xəzəryanı ölkələrin xarici işlər nazirləri müavinlərinin Bakıya gəlişini müsbət qiymətləndirirəm.
Bu sözləri Axar.az-a Xəzəryanı ölkələrin xarici işlər nazirləri müavinlərinin Bakıya gözlənilən görüşünü şərh edən millət vəkili Rasim Musabəyov deyib. Deputat sözügedən görüşü Xəzərin statusu ilə bağlı Aktauda imzalanan Konvensiyanın icrası baxımından vacib hesab edib:
“Konvensiyanın icrası ilə bağlı ildə bir dəfə bu cür toplantı keçiriləcək. İlk toplantı Bakıda, daha sonrakılar isə digər ölkələrin paytaxtlarında baş tutacaq. Konvensiya imzalanıb, indi əsas məsələ onun icrasıdır. Xəzəryanı ölkələrin xarici işlər nazirlərinin Bakıda gözlənilən görüşü də bunun bir üsuludur. Ümumiyyətlə, Konvensiyanın icrası ilə bağlı məlumatlar, təcrübə toplanmalıdır. Bu isə müəyyən vaxt tələb edir. Digər tərəfdən görüşdə Xəzəryanı dövlətlərin ümumi mövqeyi çox önəmli rol oyanacaq. Problem olmadığı halda digər mübahisəli məsələlər də öz həllini tapacaq”.
Qeyd edək ki, Xəzəryanı ölkələrin xarici işlər nazirlərinin müavinləri bu ilin payızında Xəzərin statusu haqqında konvensiya ilə bağlı Bakıda məsləhətləşmələr keçirəcək.
Tarix
2018.08.15 / 08:15
|
Müəllif
Aygün Yusibova
|