Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Noyabr 2018


Paşinyanın Qarabağ bəyanatında iki məqam - Politoloq

Ana səhifə Gündəm
12 Punto 14 Punto 16 Punto 18 Punto

Paşinyan hökuməti təkcə Dağlıq Qarabağ probleminin həll edilməsi istiqamətində absurd siyasət həyata keçirmir, həm də təhlükəsizlik və xarici siyasətdə ciddi yanlışlıqlara yol verir.

Bu sözləri Axar.az-a Ermənistan Baş naziri Nikol Paşinyanın Dağlıq Qarabağ münaqişəsinin tənzimlənməsi ilə bağlı açıqlamalarına münasibət bildirən Avrasiya Təhlükəsizlik və Strateji Araşdırmalar Mərkəzinin sədri, politoloq Hatəm Cabbarlı deyib. O bildirib ki, Ermənistanda cari ilin may ayında iqtidar dəyişikliyindən sonra Paşinyan hökuməti xarici və təhlükəsizlik siyasətində son 27 ildə formalaşan və həyata keçirilən siyasətdən fərqli siyasət yürüdür:

“Hələlik yeni konseptlərlə dolu bu siyasətin uğurlu nəticələr əldə etməsi olduqca şübhəlidir. Nikol Paşinyanın Moskvaya son səfəri zamanı tərəflər arasında iqtisadi, siyasi və təhlükəsizlik məsələləri ilə yanaşı, Dağlıq Qarabağ problemi də müzakirə edilib. Paşinyan Rusiyada dərc edilən “Kommersant” qəzetinə verdiyi müsahibəsində Dağlıq Qarabağ probleminin həll edilməsi üçün müzakirələrdə Ermənistanın baş naziri olaraq iştirak edə biləcəyini, lakin Dağlıq Qarabağın adından danışa bilməyəcəyini deyib. Hətta o, Dağlıq Qarabağ xalqının Ermənistanda hakimiyyətin formalaşması prosesində iştirak etmədiyini, onların öz hakimiyyəti, öz hökumətləri, prezidenti olduğunu bildirib”.

H.Cabbarlı vurğulayıb ki, bu bəyanat anlaşılmazlıqlarla doludur:

“Birincisi, Paşinyan qondarma Dağlıq Qarabağ rejimini müstəqil dövlət kimi göstərmək istəsə də, bu o qədər bayağıdır ki, yəqin ki, heç özü də dediklərinə inanmır. Dağlıq Qarabağ müstəqil dövlət deyil, özünün pulu, ordusu, iqtisadiyyatı və sərhədləri yoxdur. Dövlət olaraq tanınmayıb və Ermənistan pul vahidi dram tədavüldədir. Ordusunun demək olar ki, tamamı Ermənistan vətəndaşlarından ibarətdir, iqtisadiyyatı orda yaşayan əhalinin belə ehtiyaclarını təmin edəcək gücdə deyil. İkincisi, Dağlıq Qarabağın müstəqilliyini nəinki beynəlxalq aləm, heç Ermənistan özü də tanımayıb. Son illərə qədər qondarma Dağlıq Qarabağ rejiminin beynəlxalq aləmdə tanınması üçün görülən bütün təbliğat da “sıfır nöqtəsindən” bir addım da irəliyə doğru getməyib, yəni iflas edib”.

H.Cabbarlı qeyd edib ki, Paşinyanın bu bəyanatını iki cür dəyərləndirmək mümkündür:

“Ya Ermənistan hökumətində Dağlıq Qarabağ probleminin həll edilməsi istiqamətində siyasi tıxanma var, ya da bununla Paşinyan Azərbaycanın müzakirələrdə yolunu tıxayacağına inanır ki, bu da özünü aldatmaqdan başqa bir şey deyildir. Paşinyan beynəlxalq aləmdə Minsk Qrupu həmsədrlərinin iştirakı ilə Azərbaycan Prezidenti ilə müzakirə aparmaqdan çəkinir, siyasi məsuliyyəti üzərinə almaq istəmir, özünü püxtələşmiş siyasətçi hesab etmir. Hətta bir neçə ay bundan əvvəl sabiq prezident Serj Sərkisyanın Dağlıq Qarabağ müzakirələrinin aparılması üçün Paşinyanın səlahiyyətli nümayəndəsi olması gündəmə gəlmişdi. Ermənistan KİV-də bu məsələ müxtəlif aspektlərdən müzakirə edilmişdi”.

H.Cabbarlının sözlərinə görə, Paşinyan oyunda topu qondarma rejimin səlahiyyətli şəxslərinə atmaqla problemin həll edilməyəcəyini çox gözəl bilir.

Tarix
2018.09.11 / 09:00
Müəllif
Firuzə Vahidqızı
Şərhlər
Загрузка...
Digər xəbərlər

Bakı-Ankara-Tiflis birgə təlimlərinin hədəfi - Şərh

Türk və gürcü generallarını Bakıya gətirən – Səbəb

Vaşadze seçilərsə, Bakı ilə əlaqələr... - Şaşkin

İvanişvili azərbaycanlılara nələr söz verdi, nələr etdi?

Generallar Bakıda: görüşün məqsədi.. – Nazir açıqladı

Bir davanın tarixçəsi: gizli çəkiliş, məhkəmə və… - Videolar

Qarabağ separatçılarına ağır zərbə vurmaq üçün... - Professor

Əliyevlə Lukaşenkodan dünyaya Qarabağ mesajı - Mühüm

Əliyev-Lukaşenko görüşü niyə çox çəkdi? – Açıqlama

Minsk səfərinin İrəvan şoku: Nikol nəyin “əvəzini” çıxa bilər ki?

KULT
<>
Xəbər xətti
 
  
  
Axar.az'da reklam Bağla
Reklam
Bize yazin Bağla