Ana səhifə Gündəm |
Prezidentin ordu quruculuğuna dövlətin xüsusi diqqəti və Ordumuzun son günlərdə düşmənə verdiyi cavab tədbirləri barədə danışması və Ordumuzun düşmənə vurduğu ağır zərbəni vurğulaması Ermənistanın baş nazirinin sərsəm bəyanatlarına da cavabdır.
Bu sözləri Axar.az-a Prezident İlham Əliyevin Biləsuvar rayon ictimaiyyətinin nümayəndələri ilə görüşdəki nitqinə münasibət bildirən millət vəkili Musa Qasımlı deyib.
Millət vəkili qeyd edib ki, ölkə başçısının Biləsuvar rayonunda ictimaiyyətlə görüşündə etdiyi nitqi məzmunca çox geniş, əhatəli, mahiyyəti baxımından isə dərindir:
“Bu nitqdə ölkədə bütün sahələrdə aparılan quruculuq işləri haqqında məlumat verilir və həyata keçirilən tədbirlərin əhəmiyyəti qeyd edilir. Dövlət başçımızın Milli Qəhrəman Mübariz İbrahimovun atası ilə görüşməsi gənclərimizdə Vətənə, torpağa sevgi hissinin artmasına təsir edir”.
Millət vəkili bildirib ki, Ermənistanda rəhbərliyə gəlmiş yeni simalar öz məsuliyyətini dərk etmir:
“Prezident İlham Əliyev erməni tərəfinin məntiqsiz bəyanatlarına və təmas xəttində, Ermənistan-Azərbaycan sərhədində gərginliyə rəvac verən addımlar atmasına da layiqli cavab verib”.
Tarix
2018.09.20 / 07:00
|
Müəllif
Firuzə Vahidqızı
|