Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
10 Dekabr 2018


Azərbaycanlı məhbusun 3 övladı geri qaytarıldı - Video

Ana səhifə Gündəm
12 Punto 14 Punto 16 Punto 18 Punto

İraqda ömürlük həbsə məhkum edilmiş Gürcüstan vətəndaşı olan milliyyətcə azərbaycanlı qadının üç azyaşlı övladı Tiflisə gətirilib.

Report xəbər verir ki, 2, 5 və 6 yaşlı uşaqları Tiflis beynəlxalq hava limanında yaxın qohumları ilə yanaşı, Gürcüstanın ədliyyə naziri Tea Tsulukiani də qarşılayıb.

25 yaşlı Şəlalə Səmədova Gürcüstanın Laqodexi rayonunun Gəncəli kənd sakini olub. Onun Rusiya vətəndaşı olan milliyətcə azərbaycanlı həyat yoldaşı İŞİD terror təşkilatına qoşulub. Hərbi əməliyyatlar zamanı onun ölməsinə baxmayaraq, İraqın qanunlarına əsasən, həyat yoldaşı terrorçuluqda müqəssir bilinən şəxslə nikahda olduğuna görə ömürlük həbsə məhkum edilib. Onların azyaşlı övladları qanuna uyğun şəkildə həbsxanada saxlanılırdı. Uşaqlar müəyyən yaşa çatdıqdan sonra yerli uşaq evlərinə veriləcəkdi.

Qadının valideynləri qızlarını 7 il, nəvələrini isə ümumiyyətlə görmədiklərini bildiriblər. Onlar uşaqların Gürcüstana qaytarılmasına görə T.Tsulukianiyə həyata keçirdiyi xeyirxah missiyya üçün minnətdarlıqlarını bildiriblər.

T.Tsulukiani azərbaycanlı qadının faciəvi taleyi barədə bir il öncə Gürcüstanın İraqdakı səfiri Gia Tabatadzedən öyrənib.

Bu il mayın 23-də T.Tsulukiani İraqın mərkəzi qadın həbsxanasında həmin qadınla şəxsən görüşərək, ondan övladlarını Gürcüstana valideynlərinin yanına göndərilməsi ilə bağlı razılıq alıb.

Nazirin sözlərinə görə, uşaqların Gürcüstana qaytarılması məsələsini operativ olaraq həll etmək lazım idi, belə ki, onların uşaq evlərinə təhvil verilməsi yaşı yaxınlaşırdı.

Nazirin sözlərinə görə, Ş.Səmədova həbsdə saxlanılan yeganə Gürcüstan vətəndaşıdır ki, Gürcüstanda anadan olub və bu günə qədər valideynləri də Gürcüstanda yaşayır.

T.Tsulukiani Bağdadda iraqlı həmkarı ilə görüşdə Gürcüstan vətəndaşına qarşı çıxarılmış məhkəmə hökmünə yenidən baxılması perspektivləri üzərində birgə işin aparılması barədə də razılıq əldə edib.

Tarix
2018.10.14 / 00:41
Müəllif
Axar.az
Şərhlər
Загрузка...
Digər xəbərlər

Nikolun Kremlə açıq mesajına cavab veriləcək – Şərh

Xoşbəxtəm ki, Heydər Əliyevlə yolum kəsişdi - İqnatenko

Qalib gələn Paşinyanı gözləyən 3 çətin vəzifə - Video

Paşinyan Kremlə qarşı çıxmaq üçün kütlədən “arayış” aldı

Qarabağ klanı siyasi səhnədən silindi: küçə mübarizəsi başlayır

Aşotyan Paşinyanı darmadağın etdi: Uğursuz şıltaqlıq...

İrəvanda ABŞ-Rusiya savaşı: onlar barajı aşarsa... – İsti şərh

“Qarabağ klanı” Nikola savaş elan etdi - 11 dekabrdan...

Ermənistanda seçici passivliyinin səbəbi - Millət vəkili

“Sarı jiletlilər” dünyanı dəyişir - Rəqəmsal demokratiya?

KULT
<>
Xəbər xətti
 
  
  
  
  
  
  
  
  
  
Axar.az'da reklam Bağla
Reklam
Bize yazin Bağla