Ana səhifə Gündəm |
ABŞ Rusiyaya qarşı sanksiyaları daha da sərtləşdirəcək.
Bu sözləri Axar.az-a açıqlamasında millət vəkili Rasim Musabəyov deyib.
“ABŞ-da aralıq seçkilərində demokratlar 2008-ci ildən bu yana ilk dəfə Nümayəndələr Palatasında çoxluq əldə etdilər. Ancaq Respublikaçılar Senatda üstünlüyü qoruyub saxladı. Bu durum beynəlxalq siyasət baxmından Rusiya-ABŞ münasibətlərinə çox ciddi təsir etməyəcək. Çünki respublikaçılar da Rusiyaya qarşı sərt sanksiyaların tərəfdarı idilər. Ancaq istənilən halda demokratların qələbəsi Rusiya üçün arzuolunan deyil. Belə ki, ABŞ Ukraynaya dəstəyini artıracaq, Rusiyaya qarşı isə sanksiyaları daha da sərtləşdirəcək”, - deputat bildirib.
Deputat yaxın zamanlarda Rusiya və ABŞ prezidentlərinin görüşünü də istisna etməyib:
“Düzdür, liderlərin bundan öncə gözlənilən görüşü baş tutmadı. Tramp bu görüşə ehtiyac olmadığını açıqladı. Buna baxmayaraq, Argentinada İyirmiliyin sammitində Putinlə Trampın görüşü gerçəkləşə bilər. Hesab edirəm ki, bu görüş baş tutsa belə, Rusiya-ABŞ münasibətlərində ciddi dönüş baş verməyəcək”.
Tarix
2018.11.09 / 13:17
|
Müəllif
Aygün Yusibova
|