Ana səhifə Gündəm |
Azərbaycanın Qara Dəniz İqtisadi Əməkdaşlıq Təşkilatına sədrliyi zamanı bəzi məsələləri həll edə bildik.
Axar.az xəbər verir ki, bu sözləri Bakıda keçirilən Qara Dəniz İqtisadi Əməkdaşlıq Təşkilatının Xarici İşlər Nazirləri Şurasının toplantısına qatılan Türkiyənin Xarici İşlər naziri Mövlud Çavuşoğlu mediaya açıqlamasında deyib.
"Azərbaycanı quruma uğurlu sədrliyi münasibətilə təbrik edirəm. Bu qurumda islahatlar aparılmalı, mövcud problemlər həll olunmalıdır. Bu anlamda Azərbaycanın səyləri nəticəsində əhəmiyyətli irəliləyişlərə nail olunduğunu bildirmək istəyirəm. Bununla yanaşı, iclasda gələcəkdə edə biləcəyimiz məsələləri də müzakirə etdik.
Türkiyə üçün QDİƏT çox önəmlidir. Təşkilat digər qurumları ilə birgə çox vacib vəzifələri həyata keçirir. Bu qurumun daha da genişləndirilməsi, böyüməsi və inkişaf etdirilməsi üçün səylərimizi davam etdirəcəyik”.
Mövlud Çavuşoğlu Rusiya XİN rəhbəri ilə ikitərəfli məsələləri, ticarət, viza rejiminin mərhələli şəkildə aradan qaldırılması, birgə layihələrin həyata keçirilməsini müzakirə etdiyini bildirib:
“Biz Suriya, İdlibdəki vəziyyət və digər regional məsələlər ətrafında fikir mübadiləsi apardıq. Türkiyə və Rusiya prezidentləri arasında çox sıx dialoq mövcuddur, onlar davamlı olaraq görüşür, telefonda danışırlar. Biz onların birgə qəbul etdikləri qərarları da nəzərdən keçirdik. Həmçinin Kerç boğazında baş verən insident ətrafında da müzakirə apardıq”.
Tarix
2018.12.14 / 12:23
|
Müəllif
Orxan Tağıyev
|