Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 İyul 2018


Bakı ekstrasenslərinin piar fırıldağı – Ekspert

Ana səhifə Gündəm
12 Punto 14 Punto 16 Punto 18 Punto

Azərbaycanda fəaliyyət göstərən ekstrasenslərin daha bir fırıldağı üzə çıxıb.

Axar.az-ın məlumatına görə, ekstrasensdən daha çox, "cadu açan", "cindar", "cadudan təmizləyən" kimi təbliğ olunmağı sevən bu şəxslər media vasitəsi ilə şou-biznes nümayəndələrini 2015-ci ildə nə gözlədiyi barədə iddialar səsləndirir və bununla da müğənnilərin, aktyorların diqqətini çəkməyə çalışırlar.

Ekstrasens Aqil Məhərrəmov da bu qəbildəndir. O, bir çox müğənni və aktyor haqda ümumi sözlərdən ibarət proqnozunda cadugər kimi çıxış edir və özünü cindar olaraq tanıdır. Məqsəd isə "cin tutan", "cadu edilən" şəxsləri porensial müştəri olaraq özünə cəlb etməkdir.

Aqil Məhərrəmov bu yöndə piarına vəsait də xərcləyir. Piarının təşkil edilməsi müqabilində müştərisinin çoxalacağını hesablayan "ekstrasens" artıq ciddi maliyyə də ayırıb.

Maraqlıdır, belə fəaliyyət qanunvericiliklə məsuliyyət doğururmu?

Xatırladaq ki, "cindar" və "cadukuni-məşhur" İlham Mirzəyev dələduzluğa görə həbs edildikdən sonra bir daha aktuallaşan bu məsələdə qanuni boşluqlar var. Qanun yalnız aldadılan şəxs olduqda dövriyyəyə girir. Bəs, vətəndaşın aldadılması üçün əvvəlcədən bu cür təbliğatla kampaniya aparılanda hüquq öz sözünü deyə bilərmi? Yoxsa profilaktikaya heç bir ehtiyac yoxdur, necə deyərlər, "qətlin baş verməsini" gözləmək lazımdır ki, "maddi sübutlarla" cinayət sübut olunsun?

Hüquqşünas Müzəffər Baxışovun da fikrincə, falçıların bu əməlləri ilə bağlı qanunla müəyyən olunmuş cəza növləri olsa da, bu, yalnız cinayət baş verdikdən sonra baş tutur:

"Onların fəaliyyəti - insanları aldatmaq, belə bir qabiliyyətinin olmadığı halda fırıldaq yolu ilə vətəndaşların əmlak hüquqlarını ələ keçirməkdir və Azərbaycan Respublikası Cinayət Məcəlləsiinin 178-ci maddəsi - dələduzluq əməli kimi dəyərləndirilir. Yəni aldatma və etibardan sui-istifadə etməklə başqa şəxsin əmlakını və əmlak hüquqlarının ələ keçirilməsidir bu əməlin Cinayət Məcəlləsində təfsiri. Bu, dələduzluqdur. Dəymiş ziyan 30-1000 manat arası olduqda Cinayət Məcəlləsinin 178.1-ci maddəsi ilə, 1000-7000 manat arası olduqda 178.2.4-cü maddəsi ilə, 7 min manatdan yuxarı olduqda isə 178.3.2-ci maddəsi ilə, yəni dələduzluq yolu ilə külli miqdarda vəsaiti mənimsəmə ilə cinayət işi açılır".

Bu cür əməllərin qarşısının alınması üçün hüquq-mühafizə orqanlarının lazımi tədbirlər görməsinin vacib olduğunu deyən hüquqşünas günahın bir qisminin də onlara müraciət edən şəxslərdə olduğunu deyir:

"Problem ondadır ki, həmin dələduzlar insanlara külli miqdarda zərər vurursa, cinayətkar əməllərin qarşısının alınması üçün hüquq-mühafizə orqanları lazımi tədbirlər görməlidir. Çünki bu, ictimai ittiham qaydasında təqib olunan cinayətlərdir. Amma bizdə belədir ki, o şəxslərin konkret əməlləri barədə müraciət edilmədikdə hüquq mühafizə orqanları heç bir tədbir görə bilmir. Problemin kökü budur. Buna görə də bu və ya digər səbəbdən mübarizə öz effektini vermir və ya mübarizə aparılsa da, hiss olunmur. Falçılar da bundan sui-istifadə edərək cinayətkar əməllərini davam etdirirlər. Hər bir halda onların əməli dələduzluqdur".

Tarix
2014.12.19 / 09:23
Müəllif
Şəmsəddin Ənsar
Şərhlər
Загрузка...
Digər xəbərlər

İtaliya Bakının səmimi, sadiq tərəfdaşıdır - Mattarella

Ermənistan bunların heç birinə məhəl qoymur - İlham Əliyev

İlk dəfədir ki, İtaliya prezidenti... - İlham Əliyev

Prezidentdən Matarellanın şərəfinə rəsmi qəbul - Foto

Mixaylov İrəvanı hədələdi: Paşinyan bu addımı atarsa...

Şeyx İtaliya prezidenti ilə görüşdü - Foto

İtaliya prezidenti Qarabağla bağlı mövqeyini bəyan etdi

Prezident "Heydər Əliyev ordeni" verdi - 3 sərəncam

İlham Əliyev 1 sərəncam, 4 fərman imzaladı

Hərbçilərimiz NATO-nun hərbi təlimlərində...

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla