Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Yanvar 2018


Azər Qasımov: "Bu, boş xülyadan başqa bir şey deyil"

Ana səhifə Gündəm
12 Punto 14 Punto 16 Punto 18 Punto

Azərbaycan Prezidentinin mətbuat katibi Azər Qasımovun AzərTAc-a müsahibəsi:

- Azər müəllim, İsrail mətbu orqanlarında vaxtaşırı olaraq Azərbaycana qarşı çox qərəzli yazılar dərc olunur. Elə bu yaxınlarda ölkənin "Jerusalem Post", eləcə də "Haaretz" kimi aparıcı qəzetlərində ölkəmizlə bağlı heç bir əsası olmayan, böhtan dolu məqalələr gedib. İsraildə hökumətlə kütləvi informasiya vasitələri arasında münasibətləri nəzərə alsaq, bunu rəsmi sifarişin icrası kimi dəyərləndirmək olar. Sizin bunlara münasibətinizi bilmək istərdik.

- Bəli, siz qeyd etdiyiniz kimi, son vaxtlar İsrail mediasında Azərbaycanla bağlı bu səpkili məqalələr vaxtaşırı dərc olunmaqdadır. Doğrudan da, İsraildə hökumət-media münasibətlərini nəzərə alanda görürsən ki, bunlar heç də təsadüfi deyil. Xüsusilə, rəsmi strukturların bu cür yazılarla bağlı bir dəfə də olsun belə reaksiya verməməsi bunların rəsmi şəkildə sifariş xarakteri daşıdığını deməyə əsas yaradır.

Mən "Haaretz" və "Jerusalem Post" qəzetlərində gedən məqalələrlə bağlı onu bildirmək istəyirəm ki, olduqca qərəzli, jurnalist etikasından tamamilə uzaq, böhtan xarakterli bu materiallar cəfəngiyatdan başqa bir şey deyildir. Heç şübhəsiz ki, bu cür yazılar son zamanlar anti-Azərbaycan kampaniyası aparan qüvvələr tərəfindən maliyyələşdirilmiş və tam sifariş xarakteri daşıyır. Xədicə İsmayılovanın hüquqlarını guya müdafiə etmək məqsədi daşıyan bu məqalələr, əslində, Azərbaycanda gedən ümumi inkişaf proseslərinə qara yaxmaqdan başqa bir şey deyildir. Yaxşı olardı ki, bu məqalələrin müəllifləri öz ölkələrində insan haqları, söz və vicdan azadlığı, ümumilikdə demokratik prinsiplərin pozulması və digər mənfi hallara diqqət yetirsinlər.

Əslində, İsrailin özündə jurnalistlərin fəaliyyəti ilə bağlı vəziyyət olduqca acınacaqlıdır. Beynəlxalq təşkilatların hesabatlarına diqqət etsək görərik ki, İsrailin güc strukturları tərəfindən jurnalistlərlə amansız rəftar, onların həbs olunması və döyülməsi faktları mütəmadi olaraq qeydə alınır. Təkcə bu ilki hadisələrə nəzər salaq.

2014-cü ilin martın 7-də "France Press" Agentliyinin nümayəndəsinə qarşı qəsd olunarkən güc strukturlarının nümayəndələri buna sadəcə seyrçi qalmaqla kifayətləniblər. 2014-cü ilin martın 11-də güc strukturları jurnalistlərə nümayişi lentə almağa icazə verməyərək onlara atəş açıb. "Associated Press"in verdiyi məlumata görə, elə həmin gün Qüdsdə etirazları çəkmək istəyən 2 jurnalistin həyatına qəsd edilib. "Reuters" və "Associated Press"in əməkdaşları qəddarcasına döyülüblər.

İsraildə mətbuata tez-tez senzuranın tətbiq edilməsi, jurnalistlərin azad gediş-gəlişinə məhdudiyyətlərin qoyulması kimi faktları da buraya əlavə etmək olar. Maraqlıdır ki, Dünya Mətbuat Azadlığı İndeksinə görə, İsrail 2004-cü ildəki 36-cı yerdən 2013-cü ildə 112-ci yerə düşüb. Ölkədə hakimiyyətin ən yüksək dairələrində ciddi korrupsiya hallarının baş verməsi ilə bağlı mütəmadi olaraq məlumatlar yayılır. İsraildə vətəndaşların bərabər imkanlardan, o cümlədən təhsil imkanlarından məhrum edilməsi, sosial diskriminasiya halları da cəmiyyəti ciddi narahat edən problemlərdəndir.

Mən hesab edirəm ki, bu məqalələrin müəllifləri və bu yazıların arxasında duranlar, əslində, İsrail dövlətinin özünün beynəlxalq imicinə ciddi zərbə vururlar. İsrail hökuməti həmişə Azərbaycanla yaxşı əməkdaşlıq münasibətləri qurmağa çalışdığını bəyan edir. Bu məqalələrin sifarişçiləri, heç şübhəsiz, İsrail-Azərbaycan münasibətlərinə xələl gətirməyi qarşılarına məqsəd qoymuşlar. Onlar beynəlxalq aləmdə Azərbaycanın möhkəmlənən mövqelərini, demokratiyanın təmin olunması sahəsində əldə etdiyi böyük uğurları, bir çox ölkələrə nümunə ola biləcək tolerantlıq və multikulturalizm ənənələrini gözü götürməyən qüvvələrdir. Azərbaycan müstəqil xarici siyasət həyata keçirir və təcavüzkar Ermənistan istisna olmaqla, bütün dövlətlərlə uğurlu, qarşılıqlı hörmət prinsiplərinə əsaslanan münasibətlər qurur. Bu da öz növbəsində, yuxarıda adı gedən yazıların arxasında duran qüvvələri ciddi narahat edir. Onlar bilməlidirlər ki, bu cür səylər boş xülyadan başqa bir şey deyildir.

Tarix
2014.12.22 / 15:25
Müəllif
Axar.az
Şərhlər
loading...
Digər xəbərlər

Serbiyada Bakıdakı faciədən danışıldı

Onların həlak olması bizim üçün böyük itkidir - General

Şəhid əsgərimizin - Fotoları

AB-Türkiyə görüşündə əsas məqsəd nədir? – Müsahibə

Tarixi toqquşma gözlənilir: Ərdoğan çətin durumda

Gərginlik pik həddə: Moskva türk dövlətinə hücuma hazırlaşır

Ərdoğandan mühüm taktiki gediş: Avropa ilə...

Qarabağ münaqişəsinin həlli niyə gecikir? - Politoloq

Türkiyədən Afrinə öldürücü zərbə: ABŞ siyasətini dəyişdi

Azərbaycanlılar bu banditlərin hücumu ilə... - Balamovskis

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla