"Rusiya Prezidenti Vladimir Putinin geniş mətbuat konfransında söylədiyi iki fikir Ermənistanda narahatlıq doğurub".

Axar.az xəbər verir ki, bu haqda "Atlas"Araşdırmalar Mərkəzinin rəhbəri Elxan Şahinoğlu açıqlama verib. Politoloq Ermənistanın qara günlərinin hələ qabaqda olduğunu bildirib:

"Birincisi, Putin deyib ki, bizim xaricdə yalnız iki hərbi bazamız var - Qırğızıstanda və Tacikistanda . Ermənilər müəmma içindədirlər. Niyə Putin Rusiyanın Ermənistandakı hərbi bazasını xatırlatmayıb? Buna mənim cavabım belədir ki, Putin Ermənistanı ona görə "unudub" ki, bu ölkəni müstəqil saymır, Rusiyanın əlavəsi - vassalı sayır, ona görə də bu ölkədəki hərbi bazasını xatırlamağı lazım bilməyib. İkincisi, Putin mətbuat konfransında Ərdoğanı tərifləyərkən "Türkiyəsiz regional məsələləri həll etmək mümkün deyil" ifadəsini işlədib. İndi İrəvan baş sındırır ki, görəsən, Putin nəyi nəzərdə tutub? Ermənilər qorxurlar ki, Putin Ermənistanın maraqlarını nəzərə almadan Ankaranın Qarabağla bağlı istəklərinə diqqətlə yanaşar və erməni lobbisinin "soyqrımın" yüz illiyi çalışmalarının neytrallaşdırılmasında Türkiyənin yanında yer alar. Hələ bu nədir ki? İrəvan ondan qorxsun ki, Rusiya iqtisadiyyatı tamam çöksə, Ermənistanı daha ağır günlər gözləyir..."