Dekabrın 29-da Prezident İlham Əliyevin imzaladığı əfv fərmanına düşənlər siyahısında bir nəfər əcnəbi vətəndaş var.

Axar.az-ın araşdırması zamanı məlum olub ki, azadlığa buraxılan Aldemir Halil Ziyattin oğlu ötən il CM-in 185.2.3 maddəsi ilə həbs edilib.

Bu maddədə talama məqsədi olmadan qanunsuz olaraq avtomobil və ya başqa nəqliyyat vasitəsini ələ keçirmə nəzərdə tutulub. H.Aldemir isə bu maddə üzrə həyat üçün təhlükəli olmayan zor tətbiq etmək və ya belə zor tətbiq etmə ilə hədələməkdə ittiham olunub. Bu maddə üzrə təqsirləndirilən şəxs iki ildən beş ilədək müddətə azadlıqdan məhrum etmə ilə cəzalandırılır. Məlumata görə, H.Aldemir maşın qaçırmaqda təqsirləndirilib.

1975-ci ildə anadan olmuş Türkiyə vətəndaşı Bakı Ağır Cinayətlər Məhkəməsinin 2013-cü il 14 fevral tarixli hökmü ilə məhkum edilib. Bakı Apelyasiya Məhkəməsi onun barəsində qərarı qüvvədə saxlayıb. Ancaq Prezidentin əfv fərmanı onu azadlığına qovuşdurub