Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 İyul 2018


Dolların 58 rubl olması fəlakətdir – Açıqlama

Ana səhifə Gündəm
12 Punto 14 Punto 16 Punto 18 Punto

"Azərbaycanla Qərb arasında müttəfiqlik müqaviləsi bağlamağa ehtiyac yoxdur".

Bu sözləri Axar.az-a açıqlamasında Azərbaycan Respublikasının Xarici siyasət məsələləri üzrə keçmiş dövlət müşaviri Vəfa Quluzadə söyləyib.

Onun sözlərinə görə, Qərblə münasibətlərin pisləşməsi Rusiyanı çöküşə doğru aparır:

"Azərbaycan onsuz da Qərbin təsir zonasındadır və Qərb Azərbaycanda maraqlıdır. Mən o zaman demişəm və indi də deyirəm ki, əgər Rusiya Qərbə qarşı genişmiqyaslı müharibəyə başlasa, o zaman Azərbaycana Rusiya tərəfindən birbaşa təhlükə ola bilər. Amma hadisələrin gedişi onu göstərir ki, sanksiyalar, Qərblə münasibətlərin pisləşməsi Rusiyanı çökməyə doğru aparır. Rusiya Ukraynada uğur qazanmayıb. Əgər Rusiyanın iqtisadiyyatı inkişaf etsəydi, onun Çinlə, Avropayla və başqa dövlətlərlə müttəfiqliyi mümkün olsaydı, o zaman mən deyərdim ki, Rusiya SSRİ-ni bərpa edəcək. Lakin Rusiyanı çökürdürlər və ona imkan vermirlər. Rusiya iqtisadiyyatı bu vəziyyətdə olduğu zaman yeni heç bir yerdə özünə ikinci, üçüncü cəbhə açmaq iqtidarında deyil. Rusiya Abxaziya və Osetiyada öz bazalarını yerləşdirir. Bundan əlavə, ərazilərinin hər yerində hərbi təlimlər keçirir. Bunun vasitəsilə Moskva Qərbə çatdırmağa çalışır ki, sanksiyalarsız onunla danışığa girsin və Rusiya ilə sülh müqaviləsi bağlansınlar".

V.Quluzadə Rusiyanın dünyanı yenidən bölmək iddiasına nail olmayacağını deyib:

"Yenidən Yalta konfransını keçirmək mümkün deyil. Çünki o zaman danışan müttəfiqlər idi. SSRİ, ABŞ və Böyük Britaniya müttəfiq olduqlarına görə razılığa gəlmişdilər. Bu dəqiqə Rusiyanın heç bir müttəfiqi yoxdur və Avropa da, ABŞ da onunla qarşıdurmadadır. Onların heç biri Rusiyanın atdığı addımı dəstəkləməyəcək. Rusiyanın vəziyyəti ağırlaşmağa doğru gedir. Doğrudur, gördükləri tədbirlər rublun qiymətini bir qədər stabilləşdirə bilər. Amma hansı müstəvidə bunu ediblər? Fəlakət müstəvisində. Dollar indi 57-58 rubldursa, bu, artıq fəlakətdir. Neft qiyməti yenə aşağı gedəcək və Rusiyanı yeni sarsıntılar gözləyir. Rusiya Ukraynadan salamat çıxmaq istəyir. Mən bir müddət öncə Lukaşenkonun Qərbə müraciətini dinlədim. Danışan Lukaşenko yox, Putin idi. Yalvarırlar ki, gəlin, Normand dördlüyü içində Rusiya ilə danışıq aparın. Amerika buna getməyəcək. Çünki Rusiya bundan öncə gərək tutduğu ərazilərdən əl çəksin. Hadisələr göstərir ki, Rusiya yeni cəbhələr açmayacaq. Ona görə də Rusiyadan nə Azərbaycana, nə Qazaxıstana, nə Özbəkistana təhlükə gözləyirəm".

Tarix
2015.04.02 / 09:00
Müəllif
İlkin Həsənov
Şərhlər
Загрузка...
Digər xəbərlər

Paşinyanın siyasi rəqqaslığı: Rusiya dözməyəcək...

Tarixi ədalət: Hələb Türkiyənin nəzarətinə keçərsə... - Şərh

Putinin Trampa "separat" təklifi: real ola bilərmi?

Konstitusiya Məhkəməsi növbəti iclasını keçirdi

Mədəniyyət naziri jurnalistləri təbrik etdi

Nüvə fəlakətinin izləri aşkar edildi: Şərabda...

"Qarabağla bağlı Fransanın mövqeyi ondan ibarətdir ki..."

Zakir Həsənov vacib tapşırıqlar verdi

Əliyevin Fransaya səfərinin xeyri... - Deputat açıqladı

Mattarellanın Bakı səfərindən dərhal sonra Əliyevin gedişi...

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla