Ana səhifə Gündəm |
Türkiyənin əsas müxalifət partiyalarından biri hesab edilən Milliyətçi Hərəkat Partiyası parlament seçkisində 4%-dən artıq səs itkisinə məruz qalıb.
Axar.az xəbər verir ki, partiya Türkiyənin heç bir vilayətində tam üstünlük əldə edə bilməyib. MHP-nin məğlubiyyətinin əsas səbəbləri sırasında Dövlət Baxçalının ən məşhur adları partiyadan kənarlaşdırması göstərilir. Türkiyə mətbuatı MHP-nin bununla da öz tərəfdarlarını 25% azaltdığını bildirib:
"MHP AKP ilə koalisiyaya getmədi. Bu, çoxlarının narazılığına səbəb oldu. Bundan başqa, partiyanın ən sevilən şəxslərindən olan Toğrul Türkeş MHP-yə xəyanət edərək, AKP-ni seçdi. Əslən azərbaycanlı olan Sinan Oğan ölkənin şimal şərqində böyük nüfuza sahib olsa da, Dövlət Baxçalı tərəfindən partiyadan uzaqlaşdırıldı. MHP artıq parlamentə 40-45 nəfər deputat çıxarmalı olacaq".
Əslən azərbaycanlı olan Sinan Oğan 1967-ci ildə İqdırda anadan olub. 1989-cu ildə Mərmərə Universitetini bitirib. 1993-2000-ci illərdə Azərbaycan Dövlət İqtisad Universitetində dekan müavini vəzifəsində işləyən Sinan Oğan 2000-ci ildə Türkiyəyə qayıdaraq Avrasiya Strateji Araşdırmalar Mərkəzində Qafqaz istiqaməti üzrə çalışıb.
Qeyd edək ki, bu acınacaqlı məğlubiyyət səbəbindən Dövlət Baxçalının istefaya getdiyi barədə "Yeni Şəfəq" qəzeti məlumat yayıb.
Tarix
2015.11.01 / 22:48
|
Müəllif
İlkin Həsənov
|