Ana səhifə Gündəm |
MHP lideri Dövlət Baxçalının Türkiyə Prezidenti Tayyib Ərdoğanla gizli görüşü baş tutub.
Axar.az-ın verdiyi xəbərə görə, "Yeniçağ" qəzetinin köşə yazarı Əhməd Takan məqaləsində bu iddia ilə çıxış edib.
Tərəflər arasında prioritet mövzu parlament seçkiləri olub. Yazarın sözlərinə görə, görüş Qurban bayramının ikinci günü olub: "Çox az sayda adamın bildiyi bu sirri başqa mötəbər qaynaqlardan dəqiqləşdirməyə çalışdım, tam səhih bir xəbər imiş".
Müəllif Baxçalı ilə görüşə bilmədiyini və onun üçün qaranlıq qalan bu məsələni özündən soruşmaq imkanı olmadığını söyləyib.
Xatırladaq ki, AKP son seçkilərdə 316 millət vəkili ilə təkbaşına iqtidar olmağı bacarıb. MHP isə 7 iyun seçkilərində 81 millət vəkili ilə Böyük Millət Məclisinə gedirdisə, bu dəfə kürsü sayı 41-ə enib.
Tarix
2015.11.04 / 10:19
|
Müəllif
Emil Salamoğlu
|