Sabah İlham Əliyev Gürcüstana rəsmi səfər edəcək.

Axar.az xəbər verir ki, bu barədə informasiyanı Gürcüstan mətbuatı yayıb. Səfər zamanı İlham Əliyev Gürcüstan Prezidenti Georgi Marqvelaşvili ilə təkbətək və geniş formatda görüş keçirəcək.

Tərəflər arasında siyasi, təhlükəsizlik, ticarət, iqtisadiyyat, tranzit, mədəniyyət, təhsil və elm sahəsində ikitərəfli əməkdaşlıqla bağlı müqavilə imzalanacaq. Səfər zamanı Azərbaycan Prezidenti Gürcüstanın Baş naziri və parlamentin sədri ilə görüşəcək. Prezidentin bütün Gürcüstanın Patriarxı II İlya ilə də görüşü planlaşdırılır.

İlham Əliyev Marneuliyə gedərək, soydaşlarımızla da görüşlər keçirəcək.

Prezidentin Gürcüstan səfəri noyabrın 6-da başa çatacaq.

Qeyd edək ki, bundan öncə oktyabrın 11-də Gürcüstanın Baş naziri İrakli Qaribaşvili Bakıya səfər etmişdi.