Ana səhifə Gündəm |
Son illərdə SOCAR-ın dünyada nüfuzunun artması və beynəlxalq brend kimi tanınması ilə əlaqədar olaraq şirkətdə karyera qurmaq istəyən vətəndaşların sayı artmış və bəzi işbazlar insanların bu istəyindən öz şəxsi mənafeləri üçün istifadə etməyə cəhd göstərirlər.
Axar.az SOCAR-ın rəsmi saytına istinadən xəbər verir ki, 2011-ci ildən etibarən SOCAR üzrə işə qəbul mərkəzləşdirilmiş qaydada şirkətin İnsan Resursları Departamenti tərəfindən müsabiqə yolu ilə şəffaf həyata keçirilir. Lakin müxtəlif şəxslər, işbazlar, şirkətlər və ya onların nümayəndələrinin SOCAR adından saxta iş təklifləri kimi faktlara hələ də rast gəlinməkdədir. SOCAR işə qəbulla bağlı işbazlar tərəfindən aldadılmış vətəndaşlardan ünvanlanmış müraciətləri hüquq-mühafizə orqanlarına göndərmiş və bəzi tədbirlər görülmüşdür. İnsan Resursları Departamenti bir daha vətəndaşların diqqətinə çatdırır ki, SOCAR-da işə qəbul olunmaq üçün heç bir vəsait tələb olunmur, işə qəbul prosesi tam obyektiv, şəffaf, çoxpilləli nəzarət və videoçəkilişlə həyata keçirilir. Odur ki, bir daha vətəndaşları sayıq olmağa, müxtəlif şəxslərin, fırıldaqçı şirkətlərin saxta təkliflərinə aldanmamağa çağırırıq.
SOCAR-ın İnsan Resursları Departamenti işə qəbul prosesi ilə
bağlı aşağıdakı məqamları bir daha vətəndaşların diqqətinə
çatdırır:
SOCAR-da işə qəbul prosesində namizədlərdən hər hansı bir
mərhələdən keçmək üçün ödəniş və ya bank hesab rekvizitləri tələb
edilmir.
SOCAR-da mövcud olan vakansiyalar şirkətin (http://careers.socar.az) və onun struktur
bölmələrinin veb-səhifələrində, həmçinin "İki Sahil" qəzetində elan
edilir.
Elektron müraciət formasını özünüz doldura bilmədikdə, bu işə
nəzarət etməklə ən etibarlı şəxlərə həvalə edərək, müraciətdə öz
mobil nömrənizin və elektron poçt ünvanınızın qeyd olunmasından
əmin olun.
Test, müsahibə və ya peşə sınaq imtahanları yalnız SOCAR-ın
İnsan Resursları Departamentinin inzibati binasında (Ş.Mirzəyev
küçəsi 26 ünvanında) və ya İnsan Resursları Departamenti tərəfindən
müəyyənləşdirilmiş başqa istehsalat sahələrində (ünvanları
imtahandan 2-3 gün əvvəl SOCAR-ın İnsan Resursları Departamenti
vasitəsilə namizədlərin telefon nömrələrinə (521 prefiksli
nömrələrdən) və elektron poçtlarına (hr@socar.az)
bildiriş şəklində göndərilir. İmtahanlarda İRD-nin səlahiyyətli
nümayəndəsi iştirak edir.
Əgər şübhəli zəng (xüsusi ilə də mobil nömrələrdən, gizli zənglər vasitəsilə) və ya yahoo.com, gmail.com, mail.ru tipli ödənişsiz hesablardan e-poçt vasitəsilə məlumat almısınızsa, bu şəxslər və ya şirkətlər tərəfindən təqdim edilən saxta iş təklifi və ya xidmətlər barədə hüquq mühafizə orqanlarına məlumat verməyinizi tövsiyə edirik.
Tarix
2015.11.06 / 20:21
|
Müəllif
Axar.az
|