Rusiya prezidenti Vladimir Putin Misirə təyyarə uçuşlarını dayandırmağa qərar verdi. Halbuki, Kreml Qərbin iddialarının əksinə olaraq təyyarə qəzasını daha çox texniki problemlə əlaqələndirir, İŞİD-in əməli olmadığını sübut etməyə çalışırdı.

Axar.az xəbər verir ki, bunu politoloq Elxan Şahinoğlu öz Feysbuk hesabında yazıb. O bildirib ki, sonda Kreml qorxdu:

"Düşündülər ki, əgər həqiqətən təyyarənin qəzaya uğraması Vaşinqton və Londonun iddia etdiyi kimi İŞİD-in əməlidirsə, Misirdə rusiyalı turistlərə qarşı oxşar hadisə baş verə bilər. Ona görə də Misirə hava reyslərini dayandırdılar. Həm də Rusiyadan əvvəl Böyük Britaniya hökuməti Misirə hava uçuşlarını dayandırdı. Rusiya oxşar addım atmasa idi, cəmiyyət soruşacaqdı ki, ingilisin təhlükəsizliyi rusun təhlükəsizliyindən artıqdır?"