Ana səhifə Gündəm |
17:26
Türk hava yollarına (THY) məxsus İstanbul-Gəncə reysi həyata keçirən təyyarə Gəncə hava limanına eniş edə bilməyib.
Hadisə yerindən Trend-ə verilən məlumata görə, saat 08:45-də enişi nəzərdə tutulan təyyarə qatı dumanlı hava şəraitinə görə havada iki saat dövrə vurduqdan sonra saat 12:50-də Heydər Əliyev adına Beynəlxalq Hava Limanına eniş edib.
Trend Kəpəz TV-yə (Region TV) istinadən xəbər verir ki, Gəncə Beynəlxalq Hava Limanından verilən məlumata görə, sərnişinlər Bakıdan Gəncəyə avtobusla yola salınıb. Axşam saatlarında isə hava limanı Moskva-Gəncə reysini həyata keçirən təyyarəni qəbul edəcək.
17:51
Gəncə Beynəlxalq Hava Limanı fəaliyyətini tam bərpa edib.
Bu haqda Report-a məlumat verən limanın direktor müavini Valeri Kozin qeyd edib ki, Türk Hava Yollarına (THY) məxsus İstanbul-Gəncə reysinin həyata keçirməsinə mane olan qatı duman artıq müşahidə edilmir.
Belə ki, günün ikinci yarısında gözlənilən "Moskva-Gəncə" reysi vaxtında həyata keçiriləcək.
Xatırladaq ki, bu gün səhər İstanbul-Gəncə reysini həyata keçirən təyyarə Gəncə Beynəlxalq Hava Limanına eniş edə bilməyib. Təyyarə Heydər Əliyev adına Beynəlxalq Hava Limanına enib, sərnişinlər isə avtobuslarla Gəncəyə göndərilib.
THY təyyarəsi isə artıq Türkiyəyə qayıdıb.
Tarix
2015.11.08 / 17:51
|
Müəllif
Axar.az
|