Millət vəkili Zahid Oruc Azərbaycan xalqını Dövlət Bayrağı Günü münasibətilə təbrik edib.

Axar.az xəbər verir ki, deputat "Bayrağımız mübarək olsun" başlığı altında Feysbukdakı şəxsi hesabında fikirlərini bölüşüb:

"Bayrağı hazırlandığı materialın növü, çeşidi və qiyməti dəyərli etməz. Bayraqları bütün varlıqlardan yüksəklərə qaldıran heç uğrunda tökülən qanların qədəri də deyil. Axı sadəcə kətan, atlas, yaxud ipək üzərində toxunan bu simvollar niyə qırğınlıqları, savaşı və ölümü təşviq etsin ki? Gerçəkdən də min illərdi ki, yalnız hərb meydanlarının önündə gedən bir cansız qüvvədən xalqların istədiyi nə olub görəsən? Bayraqlar onu yaradan millətlərin yerlə-göyü birləşdirmək, varlıqla-yoxluğa qovuşmaq ideyasından doğub. Xalqların bir ayaqda durmasını və təzimini qəbul edərkən bayraqların başının aşağı durması onun yüksəklərdən insanlara enməsi, onlara yaxın və bərabər olmaq duyğusudur. Bayraqların başının aşağı dikilməsi təslimçiliyi yox, bir ucalıq rəmzinin yeri və insanlığı salamlamasının əlaməti, məğrurluğun sadələyidir".