Ana səhifə Gündəm |
Tələbələrin narahatlığını aradan götürmək üçün müvafiq qurumlar açıqlama verməli və ən azı yaxın 2 ildə təhsilin yarıda qalmaması üçün heç bir halda təhsil haqları artırılmamalıdır.
Axar.az xəbər verir ki, bu haqda millət vəkili Qənirə Paşayeva açıqlama verib. Deputat bildirib ki, dövlət universitetlərində ödənişli əsaslarla təhsil alan və bəzi özəl universitetlərdə oxuyan bir çox tələbə təhsil haqlarının artması narahatçılığı ilə ona müraciət ediblər:
"Özəl universitetlər də bu addımı atmamalıdırlar. Bu, rayon və kənd yerlərindən təhsil almağa gələn gənclər üçün çox ciddi problem yarada bilər. Çünki onlar təhsil haqqı ilə bərabər, ucuz olmayan kirayə ev haqqı da verirlər və buraya yemək, nəqliyyat xərcləri də daxil olduğu zaman ailələrin böyük bir qismi üçün ciddi problem yaranır. Qiymətlərin artması isə birbaşa bölgələrdən təhsil almağa gələnlərin sayına təsir edə bilər. Onsuz da bölgələrdə ailələrin bir çoxu üçün övladının ödənişli təhsil almasını təmin edə bilmək çətindir. Təhsil millətin gələcəyidir. Ona görə də ali məktəblərdə təhsil haqlarının artmasına heç cür imkan vermək olmaz və ailələrin arasında bu istiqamətdə getdikcə artan narahatlığa dövlət və özəl olmasından asılı olmayaraq ali təhsil ocaqlarını açıqlama verərək son qoymalıdır".
Tarix
2016.01.07 / 17:15
|
Müəllif
Aygün Yusibova
|