Ana səhifə Gündəm |
Hökumət tərəfindən həyata keçirilən anti-böhran tədbirləri sürətli və təsirli xarakter aldıqca manatın kursunu sabitləşdirmək, iqtisadi fəallığı, ticari mühitdəki gözləmə mövqeyini və müxtəlif qüvvələrin yaratdığı panikaları tamamilə aradan qaldırmaq mümkün olacaq.
Bu barədə Axar.az-a millət vəkili Zahid Oruc açıqlamasında deyib. Deputat hesab edir ki, unun istehsalı və çörəyin satışından əlavə dəyər vergisinin götürülməsi devalvasiyanın fəsadlarını yüngünləşdirmək baxımından ən mühüm sosial tədbirdir:
"Ölkə başçısı insanları çörəklə imtahana çəkmək istəyənlərin qarşısını bir qərarla kəsmiş oldu. Şübhəsiz, Azərbaycanda tarix boyu taxıl və ondan hazırlanan məhsullar həmişə yüksək bir əmək və təsərrüfat mədəniyyəti ilə əkilib, becərilib. Sovet keçmişinin şanlı səhifələri içərisində aqrar sferada görülən işlərdən biri də yararlı buğda növlərinin yetişdirilməsini elmi əsaslara uyğun olaraq aparmaq idi. Mərhum liderin xalqımıza xidmətinin ən böyük salnaməsini məhz bu səhifələr təşkil edir. Milli yaddaşımızda qərarlaşan bir fikir var: Heydər Əliyevin zamanında çörək bol olub.
Ona görə hazırda hökumət tərəfindən həyata keçirilən anti-böhran tədbirləri sürətli və təsirli xarakter aldıqca manatın kursunu sabitləşdirmək, iqtisadi fəallığı, ticari mühitdəki gözləmə mövqeyini və müxtəlif qüvvələrin yaratdığı panikaları tamamilə aradan qaldırmaq mümkün olacaq. Çünki hamı müstəqil dövlətin qiymətini yaxşı bilir".
Qeyd edək ki, Azərbaycan Prezidentinin tapşırığına əsasən, buğdanın idxalı və satışı, buğda ununun və çörəyin istehsalı və satışı yanvarın 15-dən əlavə dəyər vergisindən (ƏDV) azad olunub.
Tarix
2016.01.15 / 11:27
|
Müəllif
Aygün Yusibova
|