Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Aprel 2018


Prezident: “Bunun heç bir iqtisadi əsası yoxdur”

Ana səhifə Gündəm
12 Punto 14 Punto 16 Punto 18 Punto

İndiki vəziyyətdə milli valyutamıza etimad müəyyən qədər azalıb. Biz bu etimadı bərpa etməliyik.

Axar.az xəbər verir ki, Prezident İlham Əliyev bu sözləri iqtisadi və sosial məsələlərin həlli ilə bağlı ötəngünkü müşavirədə söyləyib.

Prezident Azərbaycanda gedən dollarlaşma prosesinin heç bir iqtisadi əsası olmadığını bildirib:

"İndiki vəziyyətdə milli valyutamıza etimad müəyyən qədər azalıb. Biz bu etimadı bərpa etməliyik. Manat sabit valyutadır. 2005-ci ildə pul islahatı aparılandan sonra on il ərzində manat nəinki öz məzənnəsini saxlayıb, hətta dollara qarşı 30 faiz bahalaşıb. Əslində, əgər biz on ilin dinamikasına baxsaq, pul islahatı aparılandan sonra manat elə bil ki, hər il 5 faiz qiymətini itirib. Ancaq bu, bir il ərzində olduğu üçün, əlbəttə ki, təsiri daha da ciddi olub. Ona görə indiki şəraitdə biz manata olan inamı bərpa etməliyik. Biz deyəndə, əlbəttə, mən dövləti, hökuməti, iqtisadi bloku, bank sektorunu və vətəndaşları nəzərdə tuturam. Hamımız bu istiqamətdə iş aparmalıyıq. Əfsuslar olsun ki, Azərbaycanda dollarizasiya prosesi gedir. Bunun heç bir iqtisadi əsası yoxdur. Bəzi ölkələrin devalvasiyaya uğrayan valyuta bazarına nəzər salsaq görərik ki, orada dollarizasiya getmir. Azərbaycanda müəyyən dərəcədə ajiotaj yaranıb. Özü də bu ajiotaj yenə də başqa ölkələrdə baş verən proseslərlə bağlı idi. Məsəl üçün, 2014-cü ilin sonu, 2015-ci ilin əvvəli nümunə göstərilə bilər. O vaxt Azərbaycanda manatla bağlı heç bir problem yox idi. Qonşu ölkələrdə milli valyutalar dəyərdən düşürdü. Əfsuslar olsun ki, bizdə bəzi qurumlar və insanlar bu vəziyyəti Azərbaycan reallıqlarına da keçirməyə cəhd etmişdilər. Ondan sonra - keçən ilin yay aylarında valyuta bazarında müsbət meyillər müşahidə olunmağa başlayıb. Bu da təbii idi. Çünki görülən tədbirlər bunu diktə edirdi. Ancaq yenə də bəzi qonşu ölkələrdə milli valyutalar kəskin şəkildə aşağı düşdü və dərhal Azərbaycanda ajiotaj yarandı. Ona görə indiki vəziyyətin yaranmasında Azərbaycan daxilində baş verən heç bir amil yoxdur. Bütün bu amillər kənarda formalaşıb. Neftin qiymətinin düşməsi, qonşu ölkələrdə milli valyutaların dəyər itirməsi və bunun bir neçə dalğası, əfsuslar olsun ki, Azərbaycanda da valyuta bazarında panika, ajiotaj yaradıb. Dollara qarşı bütün valyutaların ucuzlaşması prosesi gedir. Hətta avro da öz dəyərini saxlaya bilmədi, təxminən 30 faiz ucuzlaşdı. Ona görə manatın məzənnəsinin sabit saxlanması təkcə hökumətdən asılı deyil. Əlbəttə, burada islahatlar dərinləşəcək, əlavə addımlar atılacaq. Amma vətəndaşlar da bununla bağlı hökumətlə bir istiqamətdə fəaliyyət göstərməlidirlər. Bu halda əminəm ki, manata inam bərpa olunandan sonra biz bu vəziyyətdən ən az itkilərlə çıxa biləcəyik".

Tarix
2016.01.20 / 09:31
Müəllif
İlham Sahiloğlu
Şərhlər
Загрузка...
Digər xəbərlər

Kremlin İrəvan ssenarisi: ya müharibə, ya da...

ABŞ Türkiyəyə sanksiya tətbiq edə bilərmi? – Şərh

Teleqraf Media Qrupu Prezidentə müraciət etdi

Prezident mühüm islahatlara başlayır – Tezislər açıqlandı

Ermənistanın strateji obyektləri hədəfimizdə - Video

Prezidentin fərmanı narahatlığa son qoydu

Braziliyalı deputat İlham Əliyevi təbrik etdi

Avropa İttifaqından Azərbaycanla bağlı qərar

Rusiyadan açıqlama: Skripal məsələsində Azərbaycan...

Azərbaycan BMT-nin bu qrupuna sədrlik edəcək

KULT
<>
Xəbər xətti
 
Axar.az'da reklam Bağla
Reklam
Bize yazin Bağla