Azərbaycan Respublikası Nazirlər Kabinetinin Qərarı ilə "2016-2020-ci illər üçün hemofiliya xəstəliyi üzrə Tədbirlər Proqramı" təsdiq edilib.

Axar.az xəbər verir ki, Tədbirlər Proqramının məqsədi hemofiliyalı xəstələrə göstərilən tibbi yardımın həcminin və keyfiyyətinin artırılması, hemofiliya nəticəsində əmələ gələn əlilliyin və ölüm hallarının azaldılmasıdır.

Proqramın məqsədi hemofiliyanın fəsadlarının diaqnostikasının, müalicəsinin və profilaktikasının təkmilləşdirilməsi, hemofiliya xəstəliyinə düçar olmuş şəxslərin ömürlərinin uzadılması və həyat keyfiyyətinin yaxşılaşdırılması, bu xəstəliyin müalicəsi və profilaktikası üzrə tibb mütəxəssislərinin hazırlanması və onların ixtisaslarının artırılmasıdır.