Ana səhifə Hadisə |
Bakıda yanğın faktı qeydə alınıb.
Axar.az Fövqəladə Hallar Nazirliyinə istinadən xəbər verir ki, Xətai rayonunda 4 mərtəbəli yaşayış binasının 1-ci mərtəbəsində vətəndaş tərəfindən icarəyə götürülmüş ümumi sahəsi 100 m2 olan kafedə yanğın baş verib.
Yanğın nəticəsində kafenin yanar konstruksiyaları, içərisindəki əşyalar 56 m2 sahədə və 2-ci mərtəbədə vətəndaşa məxsus mənzilin eyvanında lambirdən ibarət şkaf, 1 ədəd pəncərə çərçivəsi, 1 ədəd kondisioner yanıb, yüksək temperaturdan lambirdən ibarət tavan 9 m2 sahədə əriyib.
Yanğın zamanı 3 nəfər xəsarət alıb. Yanğınsöndürənlər tərəfindən 10 nəfər bina sakini təhlükəsiz əraziyə təxliyə olunub. Kafenin qalan hissəsi və mənzillər yanğından mühafizə olunub. Yanğın saat 17:42-də yanğınsöndürənlər tərəfindən söndürülüb.
Tarix
2017.01.15 / 00:41
|
Müəllif
Axar.az
|