Ana səhifə Hadisə |
Azəravtoyol ASC-nin təmir işləri ilə əlaqədar görkəmli Azərbaycan şairi Mikayıl Müşfiqin Bakıdakı abidəsini götürməsi böyük etirazla qarşılanıb.
Kult.az xəbər verir ki, heykəlin dağıdıldığını deyən vətəndaşlar sosial şəbəkədə bu addımı sərt şəkildə qınayaraq, aidiyyəti qurumlardan tədbir görməyi tələb edib.
Virtualaz.org-a danışan Azərbaycan Mədəniyyət və Turizm Nazirliyi yanında mədəni irsin mühafizəsi, inkişafı və bərpası üzrə Dövlət xidmətinin rəhbəri Zakir Sultanov bunları deyib:
“Abidəni hər hansı icazə olmadan dağıdıblar. Bu hiddət doğuran hadisə ilə əlaqədar biz məhkəmə instansiyalarına müraciət etmək niyyətindəyik”.
Məsələ ilə bağlı Kult.az-a açıqlama verən Azəravtoyol ASC-nin mətbuat katibi Anar Nəcəfli heykəlin təmir işləri ilə bağlı müvəqqəti olaraq götürüldüyünü bildirib:
“Azəravtoyol" barbar deyil ki, hansısa şairin, görkəmli şəxsin heykəlini dağıtsın. Biz əksinə, orada gedən təmir işləri zamanı heykəlin zərər görməməsi üçün onu söküb anbara aparmışıq. Təmir 2 ay ərzində yekunlaşacaq və heykəl yerinə qoyulacaq”.
Tarix
2017.02.27 / 13:25
|
Müəllif
Aqşin Evrən
|