Ağsunun Kəndoba kəndində bədbəxt hadisə baş verib.

ARB xəbər verir ki, 2006-cı il təvəllüdlü Əli Mehman oğlu Əliyev dünyasını dəyişib.

O, başın əzilməsi, sol-gicgah sümüyünün sınığı və beyinə qan sızma xəsarətləri ilə Ağsu rayon mərkəzi xəstəxanasına göndərilib. Uşağın vəziyyəti ağır olduğu üçün ona xəstəxanada ilkin tibbi yardım göstərildikdən sonra təcili olaraq Bakı şəhərinə göndərilib. 5-ci sinif şagirdi olan Əli Əliyevin həyatını xilas etmək mümkün olmayıb. Kənd sakinlərinin sözlərinə görə, Əli Əliyev məktəbdə sinif yoldaşları ilə futbol oynayarkən yıxılıb.

Ağsu Prokurorluğundan da bildirilir ki, Əli Əliyev təhsil aldığı məktəbin həyətində uşaqlarla oynayarkən ehtiyyatsızlıq edib və yıxılaraq başı daşa dəyib. Bədənin müxtəlif nahiyələrindən xəsarət alıb.

Faktla bağlı Ağsu Prokurorluğu tərəfindən araşdırma aparılır.