Yuxarı

Filosofdan gənclərin öpüşməsi qalmaqalına - Münasibət

Ana səhifə Hadisə
12 Punto 14 Punto 16 Punto 18 Punto

Jurnalistin öpüşmək istəyən gənclərə təpik atması özünün tərbiyəsiz saydığı hərəkətə normal adamların tərbiyəsiz saydığı hərəkətlə cavab verməsidir.

Bu sözləri tanınmış filosof Niyazi Mehdi jurnalist Xaqani Səfəroğlunun metroda öpüşmək istəyən gənclərə sərt reaksiya göstərməsi haqda Kult.az-a danışarkən deyib. Filosof həm gənclərə, həm də onların bu hərəkətini qınayanlara səslənib:

“Gəncliyimizdə bir çoxumuz küçədə öpüşmək “suçuna batmışıq”. Bəzən kinoların təsiri altında, bəzən sevgimiz aşıb-daşanda. Bu elə bir qəbahət deyil ki, öz gücündən və ya həyasızlığından istifadə edib gəncləri alçaldasan. Sözsüz, öpüşən gənclər bununla çevrəyə saymazyanalıq bildirirsə, adam buna hirslənməyə bilməz. Ancaq bəlkə saymazyanalıq bildirmirlər, sevgilərinin əsir-yesiri olublar?! Hər dəfə araşdırma aparmaq çətindir. Onun üçün də ən yaxşısı tolerant olmaqdır. Beləliklə, bu mürəkkəblikdə öpüşənlərə iki baxış ola bilər. Birində ürəyindən keçə bilər ki, “öpüşürlər, cəhənnəmə öpüşsünlər”, o birində ürəyindən “bunlara noolub?!” nidası keçə bilər. Ona görə də məsələyə mənim yanaşmam belədir: ey gənclər, çox öpüşmək istəyirsinizsə, hövsələ edin, xəlvət yerə keçin! Ey buna pis baxanlar, belə boş-boş şeyləri ürəyinizə salmayın. Ancaq zibil qutusu ola-ola siqareti yerə atanlara, bulvarda oturub dörd yanlarını tum qabıqları ilə zibilləyən qızlara pis baxın. Pis baxın, danlayın, ancaq saçlarından tutub dartmayın!”

Qeyd edək ki, jurnalist Xaqani Səfəroğlu metroda öpüşmək istəyən gənclərə sərt reaksiya verib. O, sosial şəbəkədə yazdığı statusda həmin gənclərə təpik vurub, “eşşək” dediyini, sonra isə qatardan qovduğunu bildirib. Sözügedən hadisə sosial şəbəkələrdə qızğın müzakirələrə səbəb olub.

Tarix
2017.03.30 / 15:21
Müəllif
Aqşin Evrən
Şərhlər
Digər xəbərlər

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

Hikmət Hacıyev Çin rəsmiləri ilə görüşdü

Azərbaycan-İraq əlaqələri müzakirə olundu

Əliyev niyə Putinə təbrik zəngi etdi? – “Unudanların” diqqətinə

Ceyhun Bayramov Türkiyə xalqını təbrik etdi

Şeytan yuvası yerlə-yeksan edildi - Prezident

Prezident Xankəndi ilə bağlı mühüm faktları açıqladı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla