“Rok-n-rol kralı” Elvis Preslinin şəxsi təyyarəsi 430 min dollara satılıb.

Kult.az xəbər verir ki, təyyarə 35 il istifadəsiz qaldıqdan sonra hərraca çıxarılıb. Bu barədə "Assoşeyted Press" agentliyi məlumat yayıb. Hərracın təşkilatçısı olan GWS Auctions şirkəti alıcının adını açıqlamayıb.

Təyyarənin interyerini Elvis Presli özü dizayn edib. Əsasən qırmızı və qızılı rənglərdən ibarət olan salonun və ümumilikdə təyyarənin özünün hazırda bərpaya ehtiyacı var.

Elvis Presli XX əsrin ən tanınan simalarından biri olub. Musiqisi ilə milyonların ürəyini fəth edən müğənni 1977-ci ildə 42 yaşında dünyasını dəyişib.