Dağıstanda Nadir şahın dama oyunu taxtasını oğurlayan cinayətkar dəstə üzvləri saxlanılıb.

APA-nın verdiyi məlumata görə, polis Kubaçi İncəsənət Kombinatından oğurluq etməkdə şübhəli bilinən 6 nəfəri həbs edib.

Rusiya Daxili İşlər Nazirliyinin rəsmi nümayəndəsi İrina Volk bildirib ki, onların oğurladıqları qiymətli əşyalar sırasında dəyəri 1 milyon avro məbləğində qiymətləndirilən dama da olub. Dama Nadir şahın vaxtından qalıb. Saxlanılanlar Moskva və Smolensk vilayətlərinin sakinləridir. Onların izinə avqustda oğurladıqları 100 əşyadan birini satmaq istəyərkən düşmək mümkün olub.

Daha sonra Safonovo şəhərində əllərində muzeydən itmiş bütün əşyaların olduğu daha iki nəfər saxlanılıb. Oğurluq bu ilin iyununda törədilib.