Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
13 Dekabr 2017


“Gənc jurnalistlər” klubu yaradıldı - Foto

Ana səhifə Hadisə
12 Punto 14 Punto 16 Punto 18 Punto

Azərbaycan Respublikasının Prezidenti yanında Bilik Fondu və Bakı Dövlət Universitetinin Jurnalistika fakültəsinin birgə “Gənc jurnalistlər” klubunun təsis yığıncağı keçirilib.

Bilik Fondundan Kult.az-a verilən məlumata görə, tədbirdə fondun əməkdaşları, fakültənin dekanı və klub üzvləri iştirak ediblər.

“Gənc jurnalistlər” klubunun təsis iclasında çıxış edən Bilik Fondunun icraçı direktoru Oktay Səmədov maarifçilik sahəsində görülən işlərdən, Fondun nəzdində fəaliyyət göstərən digər Klubların işindən danışıb. İcraçı direktor klubun fəaliyyətini özündə əks etdirən Əsasnamə ilə iştirakçıları tanış edib. Bu məsələ ilə bağlı fikir mübadiləsi aparılıb və tələbələrin təklifləri qeydə alınıb. Eyni zamanda klubun strukturu, iş planı, görüləcək tədbirlərin forma və məzmunu, eləcə də tərkibi müzakirə edilib.

Jurnalistika fakültəsinin dekanı Vüqar Zifəroğlu bildirib ki, “Gənc jurnalistlər” klubunun təsis edilməsi fakültə tələbələri üçün yeni imkanlar açacaq. Onun sözlərinə görə, gənclərin bilik və bacarıqlarının artırılması, xalqımızın milli-mənəvi dəyərlərinin qorunması və təbliği, yüksək peşəkarlığa və geniş dünyagörüşünə malik jurnalist kadrlarının hazırlanması, jurnalistika sahəsində elmi tədqiqatların aparılması, yaradıcılıq müsabiqələrinin, tələbələrin tanınmış jurnalistlər, ictimai xadimlər və yazarlarla görüşlərinin təşkili, bütün sahələrdə medianın maarifləndirmə funksiyası ilə bağlı tədbirlərin həyata keçirilməsi klubun əsas fəaliyyət istiqamətləridir.

Bilik Fondunun İnformasiya təminatı sektorunun müdiri Xatirə Hüseynova “Gənc jurnalistlər” klubunun fəaliyyət planı barədə tədbir iştirakçılarına ətraflı məlumat verib. O vurğulayıb ki, Bilik Fondu ölkə ərazisində bütün sahələrdə geniş maarifləndirmə işləri həyata keçirir. Fondun mətbuat katibi Ceyhun Musaoğlu və aparıcı məsləhətçi Ramilə Qurbanlı çıxış edərək yeni yaradılan “Gənc jurnalistlər” klubunun Fondun maarifçilik missiyasına öz töhfəsini verməklə yanaşı, gənclərin klubda fəaliyyətinin Azərbaycan jurnalistikasının inkişafına təkan verəcəyinə əmin olduqlarını bildiriblər.

Tarix
2017.10.12 / 19:18
Müəllif
Kult.az
Şərhlər
loading...
Digər xəbərlər

İçinizdə yatan əxlaqsız bir gün oyansa...

AMEA-nın iki institutuna direktor seçildi

Xalq Cümhuriyyəti dövrünə aid fotolar tapıldı

Hakim Fədayə Laçınla bağlı qərar verdi

Bakının mərkəzində maşın od tutub yandı - Video

Azərbaycanın altıqat çempionu dünyasını dəyişdi

Güneyli liderin Yevlaxda müəmmalı ölümü... - Foto

Heydər Əliyevin məşhur zarafatları

Jurnalist adından sui-istifadəyə görə ağır cəza... - Ekspert

Fədayə Laçının məhkəməsi başlayır

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla