Ana səhifə Hadisə |
ETTELAAT (İran Kəşfiyyat Nazirliyi) əməkdaşları azərbaycanlı milli-mədəni fəallar Kiyumərs İslami və Əli Əhmədini təhdid ediblər.
Axar.az xəbər verir ki, Parsabad şəhərinin ETTELAAT əməkdaşları azərbaycanlı fəal K.İslami ilə telefon əlaqəsi saxlayıblar. Məmurlar əvvəlcə bildiriblər ki, onun bəzi şəxsi əşyaları qalıb, təhvil almaq üçün idarəyə gəlməlidir. Azərbaycanlı fəal isə artıq o əşyalara ehtiyacı olmadığını bildirib. Bu dəfə məmurlar hədələyici tonla vurğulayıblar ki, o, bəzi suallara cavab vermək üçün ETTELAAT idarəsinə gəlməlidir. K.İslami məmurların tələbini rədd edərək bunun qanunsuz olduğunu, yalnız məhkəmənin rəsmi çağırışı əsasında idarəyə gələ biləcəyini qeyd edib.
ETTELAAT əməkdaşları digər azərbaycanlı fəal Əli Əhmədi ilə də əlaqə saxlayaraq onu hədələyib və oxşar tələblər irəli sürüblər. Milli-mədəni fəal isə məmurların çağırış tələbini rədd edib.
Xatırladaq ki, K.İslami ötən günlərdə də ETTELAAT əməkdaşları tərəfindən təhdid edilmişdi.
Tarix
2017.11.06 / 01:24
|
Müəllif
Aqşin
|