Yuxarı

Şamaxıda regional konfrans - Foto

Ana səhifə Hadisə
12 Punto 14 Punto 16 Punto 18 Punto

Noyabrın 21-də Azərbaycan Respublikasının Prezidenti yanında Bilik Fondu, Dini Qurumlarla İş üzrə Dövlət Komitəsi və Şamaxı Rayon İcra Hakimiyyətinin birgə təşkilatçılığı ilə Şamaxı şəhər İncəsənət Təhsili Mərkəzində “Heydər Əliyev və Azərbaycanda din siyasəti” mövzusunda regional konfrans keçirilib. Konfrans iştirakçıları Ümummilli liderin abidəsi önünə çiçək dəstələri qoyublar.

Bilik Fondunun mətbuat xidmətindən Kult.az-a verilən məlumata görə, konfransda rayonun dövlət qurumlarının rəsmi təmsilçiləri, Bilik Fondunun Şamaxı rayon nümayəndəsi Gülnurə Babaşova, Ağsu rayon nümayəndəsi Elman Qarayev, İsmayıllı Bilik Evinin direktoru Sevinc Novruzova, Fondun nəzdində fəaliyyət göstərən "Gənc jurnalistlər" Klubunun və "Tariximizi öyrənək və öyrədək" Gənclər Klubunun üzvləri, Dini Qurumlarla İş üzrə Dövlət Komitəsinin Şamaxı bölgəsi üzrə şöbə müdiri Rəhim Rəhimli, təhsil işçiləri, yerli ziyalılar, tələbələr və şagirdlər iştirak ediblər. Əvvəlcə iştirakçılar Şamaxı şəhər İncəsənət Təhsili Mərkəzi ilə tanış olaraq Mərkəzin direktoru Namiq Rzazadənin təqdimatı ilə “İslam həmrəyliyi İli”nə həsr olunmuş rəsm və əl işləri sərgisinə tamaşa ediblər. Yerli rəssam Sevda Abdulrazaqova özünün taxta üzərində döymə üsulu ilə hazırladığı əsərini Bilik Fonduna hədiyyə edib.

Konfransı giriş sözü ilə açan Şamaxı Rayon İcra Hakimiyyəti başçısının müavini – İctimai-siyasi və humanitar məsələlər şöbəsinin müdiri Gülnisə Ələkbərova "İslam Həmrəyliyi ili" çərçivəsində rayonda görülən işlərdən danışıb. O, bildirib ki, Şamaxı bundan sonra da Bilik Fondu və Dini Qurumlarla İş üzrə Dövlət Komitəsinin təşkilatçılığı ilə keçirilən tədbirlərə məmnuniyyətlə ev sahibliyi edəcək.

Sonra Dini Qurumlarla İş üzrə Dövlət Komitəsinin şöbə müdiri Nahid Məmmədovun məruzəsi dinlənilib. Müstəqilliyin Azərbaycana bəxş etdiyi dəyərlərdən birinin də etiqad azadlığı olduğunu deyən mühazirəçi dini birləşdirici amil kimi dəyərləndirən Ulu öndərin islam dininə dövlət səviyyəsində qayğı göstərilməsinə, həmçinin, Azərbaycanda yaşayan bütün dinlərin nümayəndələrinə etiqad azadlığının verilməsinə nail olduğunu vurğulayıb. Bildirilib ki, dinimizi milli-mənəvi sərvətimiz adlandıran Ulu öndərin həyata keçirdiyi məqsədyönlü siyasət bu gün də uğurla davam etdirilir. 2017-ci ilin ölkəmizdə “İslam Həmrəyliyi İli” elan olunması da bu yolun məntiqi davamıdır.

Bilik Fondunun baş məsləhətçisi Ceyhun Musaoğlu regional konfransın təşkilinə görə yerli icra hakimiyyəti orqanına təşəkkürünü bildirərək, “İslam Həmrəyliyi İli” çərçivəsində Fondun həyata keçirdiyi layihələr barədə ətraflı məlumat verib. C. Musaoğlu maarifləndirici layihələrdə Şamaxı ziyalılarının və gənclərinin fəallığını xüsusi qeyd edərək, konfransda Fondun nəzdində fəaliyyət göstərən Klub üzvlərinin iştirakını onların Şamaxının tarixinə, abidələrinə, yerli ədiblərin yaradıcılığına marağı kimi dəyərləndirib.

Sonda Dövlət Komitəsinin sifarişi ilə çəkilmiş "Şəhadət" filmi nümayiş olunub.

Konfrans başa çatdıqdan sonra Şamaxı Rayon İcra Hakimiyyətinin baş məsləhətçisi Babaqədir Qədirovun müşaiyəti ilə "Gənc jurnalistlər" Klubu və "Tariximizi öyrənək və öyrədək" Gənclər Klubunun üzvləri Seyid Əzim Şirvani və Mirzə Ələkbər Sabirin məzarlarını ziyarət ediblər.

Qafqaz Müsəlmanları İdarəsinin Şamaxı və Qobustan rayonları üzrə səlahiyyətli nümayəndəsi Şamaxı Cümə məscidinin imamı Hacı Mərəhməd Mustafayev gənclərə 743-cü ildə tikilmiş məscidin tarixi barədə ətraflı məlumat verib, təkcə Azərbaycanın deyil, bütövlüklə Cənubi Qafqazın ən qədim məscid kompleksi olduğunu deyib. Bildirib ki, 1918-ci ildə silahlı erməni-daşnak dəstələrinin törətdiyi Mart qırğınları zamanı Şamaxı əhalisinin xeyli hissəsi məsciddə sığınacaq tapmağa çalışıb. Lakin azğınlaşmış erməni quldurları heç nəyə baxmadan məscid binasını insanlarla bərabər yandırmaqdan çəkinməyiblər. Heydər Əliyev Fondu tərəfindən bərpası təşəbbüsü irəli sürülmüş Şamaxı Cümə məscidində Azərbaycan Respublikasının Prezidenti İlham Əliyevin 24 dekabr 2009-cu ildə imzaladığı müvafiq Sərəncama əsasən, genişhəcmli və əsaslı təmir işləri başlanıb.

Şamaxı Tarix-Diyarşünaslıq Muzeyində qonaqları qarşılayan direktor Məleykə Kamilova onlara bölgənin tarixi haqqında ətraflı məlumat verib.

Konfrans 2017-ci ilin Azərbaycan Respublikasında “İslam Həmrəyliyi İli” elan edilməsi ilə bağlı Prezident Administrasiyası rəhbərinin 2017-ci il 10 fevral tarixli Sərəncamı ilə təsdiq edilmiş Tədbirlər Planına uyğun olaraq keçirilib.

Tarix
2017.11.21 / 18:59
Müəllif
Nərmin Əkbərli
Şərhlər
Digər xəbərlər

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

Hikmət Hacıyev Çin rəsmiləri ilə görüşdü

Azərbaycan-İraq əlaqələri müzakirə olundu

Əliyev niyə Putinə təbrik zəngi etdi? – “Unudanların” diqqətinə

Ceyhun Bayramov Türkiyə xalqını təbrik etdi

Şeytan yuvası yerlə-yeksan edildi - Prezident

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla