Ana səhifə Hadisə |
Hörmətli Azərbaycan aktyorları, nə edirsiniz edin, hansı filmə çəkilirsiniz çəkilin, nə qədər istedadlı və yaraşıqlı olursunuz olun, heç bir zaman qonşu ölkələrin sənətçiləri kimi sevilməyəcəksiniz.
Kult.az xəbər verir ki, bu sözləri rejissor Kənan MM (Mahmudov) qeyd edib. O öz sənətçilərinə laqeyd yanaşan tamaşaçılara irad tutub:
“Əgər bir ölkədə aktyor aylıq 600 manata seriala çəkilirsə, o, böyük insandır. Çünki biz nə qədər ki, özümüzü sevə, sahib çıxa bilmirik, nə qədər ki, “raka-çıka” Alim Qasımovdan çox yüklənir, öldükdən sonra profilimizdə “rəhmətlik yaxşı sənətkar idi” yazıb paylaşırıq, vaxtında qədrini bilmirik, bax, ona görə də bizim heç nəyimiz olmayacaq.
Ya bağrınıza daş basıb bu biganəliklə barışın, ya da unudun getsin. Baxmayaraq ki, heç bir əcnəbi sənətçi tamaşaçımızı Azərbaycan sənətçiləri qədər sevə bilməz. Səni sevirəm, Azərbaycan! Bizim bir-birimizdən başqa kimsəmiz yoxdur və olmayacaq da”.
Tarix
2017.12.15 / 10:36
|
Müəllif
Büllurə Yunus
|