23:14

İrlandiyanın məşhur rok qruplarından sayılan “The Cranberries”in (Kranberis) vokalisti Dolores O Riordan 46 yaşında vəfat edib.

Kult.az xəbər verir ki, bu barədə İrlandiya mediası məlumat yayıb.

İfaçı həyatını itirən zaman Londonda səsyazma studiyalarından birində idi.

Hadisə ilə bağlı əlavə məlumat verilməyib.

Qeyd edək ki, Riordan sözügedən rok qrupuna 1990-cı ildə 18 yaşında olarkən qoşulub.

Tez bir zamanda qrupun simasına çevrilən qadın 2003-cü ildən solo ifaya başlayaraq 2 albom buraxmağa müvəffəq olur.

O, həmçinin bir sıra filmlərdə də rol almışdı.

***

Riordanın qəfil ölümü ilə bağlı polis araşdırmalara başlayıb.

Açıqlamaya görə, ifaçının hansı səbəbdən öldüyü anlaşılmaz olaraq qalır.