Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Fevral 2018


Bu, tərbiyəsizlik, vəhşilikdir - Deputatdan cavab

Ana səhifə Hadisə
12 Punto 14 Punto 16 Punto 18 Punto

Düşüncələr, baxışlar, dünyagörüşlər, zövqlər fərqli ola bilər. Seçkilərə də, rejimlərə də münasibətin, siyasətçilərə də sevgi və nifrətin tərs mütənasibliyi dünyanın hər guşəsində yüzillərdir az və ya çox dərəcədə mövcuddur. Fikirlərlə razılaşıb-razılaşmamaq bir toxunulmaz haqdır və buna görə tənqid edənləri qınamaq, topa tutmaq yanlışdır. Ancaq bir əməl var ki, onun adı sadəcə tərbiyəsizlik deyil, qatillikdir, hannibalizmdir, vəhşilikdir və ən nəhayət nadanlıqdır.

Axar.az xəbər verir ki, bu sözləri Yazıçılar Birliyinin sədri Anarın seçki çağırışının müxalifət düşərgəsində etirazla qarşılanmasına münasibət bildirən millət vəkili Fazil Mustafa deyib. Deputat qeyd edib ki, xalq yazıçısı Anarın Azərbaycan ədəbiyyatında özünəməxsus yeri və çəkisi var:

“İstər ədəbi mühitdə, istərsə də ictimai-siyasi həyatda tutduğu mövqe, səsləndirdiyi fikirlər hər kəsin təqdirinə və tənqidinə açıqdır. Buna qarşı kimsə haqlı və ya haqsız kampaniya aparmaqda da sərbəstdir. Lakin elə bir çağırış səslənib ki, bunu qətiyyən diqqətdən kənarda saxlamaq, görməzdən gəlmək mümkün deyil. Bir qrup gənc çağırış edib ki, yazıçı Anarın siyasi mövqeyini bəyənmədiyimizə görə kitablarını yandırmalıyıq. Kitab yandırmaq! Bu həm tarixi, həm də ədəbiyyatı yandırmaqdır.

Kitab yandırmaq barədə çağırış səslənəndə dərhal gözümün qarşısına Mirzə Fətəlini, Sabiri, Mirzə Cəlili mənəvi terrorla öldürən milli qaragüruhumuz gəlir. Doğrudanmı bu qaragüruh virusu bu qədər gəncləşərək 21-ci əsrə qədər içimizdə hökmranlıq edə bilir? Tarix boyu işğal edənlər işğal olunanın kitablarını yandırıb. Bunu dinsizlər də edib, xristianlar da, yəhudilər də, müsəlmanlar da. Ötən əsrdə də bu vəhşiliyi faşistlər, kommunistlər, yobaz dinçilər təkrarlayıblar. Hər kəs öz ideologiyasına, baxışlarına tərs düşən kitabı yandırmaqla özünə rahatlıq tapacağını düşünüb. Yer üzündə bundan iyrənc, yaramaz əməl təsəvvür etmək həqiqətən çətindir. İnsanın cismini yandıranlar da onun fikrini yandırandan o dərəcədə təhlükəli deyil”.

Qeyd edək ki, Azərbaycan Yazıçılar Birliyinin sədri Anar yazıçıları prezident seçkisində Prezident İlham Əliyevə səs verməyə çağırıb. Müxalifət yazıçının bu çağırışına etiraz olaraq Anarın və Çingiz Abdullayevin kitablarının yandırılmasını tələb edib.

Tarix
2018.02.15 / 18:24
Müəllif
Aygün Yusibova
Şərhlər
Digər xəbərlər

Bakıda qadınlar ərəblərin pulunu və pasportlarını oğurladı

Səməd Seyidov BJM-də – Qarabağ müzakirəsi

Xocalı şahidi: Uşaq ermənilərə tərəf qaçıb dedi ki... - Video

Türkiyədə "professor" tutuldu: Bakıda oxuyub...

Ceki Çandan azərbaycanlı məşhura hədiyyə - Foto

Bakıda 21 əcnəbi saxlanıldı

Erməniləri susduran jurnalistin evi əlindən alınır - Foto

Azərbaycanlının zarafatı polisi ayağa qaldırdı - Video

Zakir Həsənovdan tapşırıq: Ön cəbhədə... - Foto

Bu nazirliklərin adı da dəyişəcək - Akademik

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla