Ana səhifə Hadisə |
Bir həftədən yuxarı reanimasiyada qaldı, ümid edirdik ki, yaşayacaq.
Bu sözləri Teleqraf.com-a açıqlamasında Aşıq Azər Xanlaroğlunun vəfatına münasibət bildirən Azərbaycan Aşıqlar Birliyinin sədri Məhərrəm Qasımlı deyib.
Onun sözlərinə görə, Azər də, onun atası da böyük sənətkar idi: “Mən hazırda Naxçıvandayam, Bakıya sabah qayıdacam. Xəbəri indicə eşitdim. Heyf Azərdən, çox heyf... Atası Aşıq Xanları da sevirdik, özünü də. Bir həftədən yuxarı reanimasiyada idi, ümid edirdik ki, yaşayacaq.
Vəziyyəti qəfil ağırlaşıb, həyatını xilas etmək mümkün olmayıb. Ürəyim ağrıyır”.
Qeyd edək ki, Aşıq Azər Xanlaroğlu uzun sürən xəstəlikdən sonra dünyasını dəyişib. O, hepatitdən müalicə alırdı. Eyni zamanda aşığın ayağında fil xəstəliyi - kəskin şiş aşkar edilmişdi.
Tarix
2018.05.12 / 16:25
|
Müəllif
Kult.az
|