Tarixçi alim Dilavər Əzimli “Bakı Afişa”nın Azərbaycan Demokratik Respublikasının 100 yaşı münasibətilə ADR qurucuları ilə bağlı hazırladığı karikaturalara münasibət bildirib.

Kult.az-ın məlumatına görə, tarixçi alim “Bakı Afişa” rəhbərliyinin bu hərəkətini kəskin şəkildə pisləyib.

D.Əzimli bildirib ki, Azərbaycan xalqının simvollarına sayğı ilə yanaşmaq lazımdır:

“Siz heç Avropada görmüsünüzmü ki, Uinston Çörçilli bu günə qoysunlar? Yaxud ABŞ-da Corc Vaşinqtona qarşı belə sayğısızlıq göstərsinlər?

Millətin hissi ilə oynamaq olmaz! Onun qürur duyduğu simvollara sayğı ilə yanaşmaq lazımdır! Əminəm ki, “Bakı Afişa” rəhbərliyinin bu hərəkəti sosial şəbəkə izləyiciləri tərəfindən geniş şəkildə qınanılacaqdır ki, o birilərinə dərs olsun!”

Qeyd edək ki, “Bakı Afişa” Azərbaycan Demokratik Respublikasının 100 yaşı münasibətilə ADR qurucularından bəzilərinin 2018-ci ildə necə geyinəcəklərini təsvir edib. Şirkət cümhuriyyət qurucularının karikaturaları həkk olunmuş köynək, çanta və su qabları hazırlayıb.