“Fabrika Kourkinq Senter”də “Sonuncu Əsr Maarifçi Gənclər” klubunun təşəbbüsü ilə çap edilən “Kitablardan qorxan uşaq” kitabının və “sonuncuesr.com” saytı ilə onun nəzdində fəaliyyətə başlayan “elarn.sonuncuesr.com” təhsil portalının təqdimat mərasimi keçirilib.

Kult.az xəbər verir ki, mərasimdə çıxış edən klubun rəhbəri Toğrul Məmmədbəyov bundan sonra da “Sonuncu Əsr Maarifçi gənclər klubu” adı altında maarifləndirmə işləri aparacaqlarını, tədris portalında xarici dil, ədəbiyyat, fəlsəfə, tarix, psixologiya və başqa mövzularda onlayn dərslərin verilməsinin davam etdiriləcəyini bildirib.

Qeyd edək ki, “Kitablardan qorxan uşaq” kitabının tərcüməçiləri Toğrul Məmmədbəyov, Günel Həsənli və Leyla Əsgərova, redaktoru isə İlahə Allahverdizadədir.