Aşıq Namiq və Fəzail Miskinli Aşıqlar Birliyinin üzvü deyil.

Bu sözləri Kult.az-a açıqlamasında ATV-də yayımlanan “10-dan sonra” proqramının qonaqları olan Aşıq Namiq Fərhadoğlu ilə Fəzail Miskinlinin əlbəyaxa davasına münasibət bildirən Aşıqlar Birliyinin sədri Məhərrəm Qasımlı deyib. M.Qasımlı buna görə onların hərəkətlərinə qiymət verməyəcəyini deyib.

Birliyin katibi Musa Nəbioğlu isə belə görüntüləri yayımladığı üçün telekanala irad tutub:

“Verilişdə sənətdən söhbət getməlidir. Orada Mübariz və o birisi açıq şəkildə deyir ki, mən aşıq deyiləm. Amma verilişdə həmin şəxsləri aşıq kimi təqdim edirlər. İkincisi, reklam arasında olan mübahisəni ictimailəşdirirlər. Aşıq sənətindən danışılırsa, oraya alim, ustad aşıq dəvət olunmalıdır. YUNESKO-da milli-mədəni sərvətimiz kimi qeydə alınan aşıq sənətini belə təbliğ etmək olmaz. Belə verilişlər və şəxslər aşıq sənətinə xidmət etmir. Onlar ucuz şounu üstün tuturlar”.

Qeyd edək ki, ATV-də yayımlanan “10-dan sonra” proqramının qonaqları Aşıq Namiq Fərhadoğlu ilə Fəzail Miskinli əlbəyaxa davaya çıxıb.