Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
12 Dekabr 2018


Anar Nağılbazı kim öldürdü?

Ana səhifə Hadisə
12 Punto 14 Punto 16 Punto 18 Punto

Aylar əvvəl Azərbaycan repinin atası sayılan, ölkəyə okeanın o tayından yeni stil, yeni janr gətirən Anar Nağılbazın şəxsi həyatına aid videogörüntülər yayılmışdı. Bu görüntülərin nədən ibarət olduğunu danışmağa gərək yoxdur. Əslində, danışacağımız tək şey bir insanın özəl həyatını lentə alıb, mədəniyyətin can verdiyi bir cəmiyyətin qınağına təqdim edərək, ölüm fərmanını imzalayanlar olmalıdır.

“Əxlaq” deyəndə ağlımıza ancaq kişi-qadın münasibətindəki “müqəddəs” sərhədlər gəlir və bu sərhədlər vicdanımızın gözünü elə kor edir ki, əxlaq anlayışının insan cismində deyil, ruhunda, mənəviyyatında olduğunu görə bilmirik. Əgər görə bilsəydik, ən böyük əxlaqsızlığın hansısa hadisənin necə yaşanmasında deyil, necə təqdim edilməsində olduğunu anlayardıq.

İki gündür ki, hamı Anar Nağılbazın ölümündə günahkar axtarır, hamı kimisə, nəyisə təqsirkar bilir, ittiham edir. Ölüm hamının başına gələcək bir həqiqətdir, bundan qaçış yoxdur. Qaçışı olmayan həqiqətlərdəsə günahkar axtarmaq mənasızdır.

Ancaq mütləq bir “günah keçisi” olmalıdır. Ən azı ona görə ki, bu ölümə az-çox səbəbkar olanlar, özlərinə təsəlli verə bilsin. Mənsə düşünürəm ki, günah elə mərhumun özündə idi. Anar, sən mentalitetin meydan suladığı bir dövrdə - doxsanıncı illərdə Amerika mədəniyyətini bu gün səni daş-qalaq edən cəmiyyətə gətirən adam idin. O vaxtlar “Küçə qadını”, “Fahişə” treklərini səsləndirəndə necə reaksiyayla qarşılaşacağın heç vecinə də deyildi. Bax, niyə iyirmi il öncə yad bir mədəniyyəti ölkəyə gətirməyə çalışdığın halda, iyirmi il sonra öz cəmiyyətinin mədəniyyətinə, ya da mədəniyyətsizliyinə məğlub olasan?

Kaş bu qədər sarsıntı keçirmək yerinə, çıxıb bircə dəfə deyəydin ki, “hər kəs özünə baxsın, nə yaşamışam, əcəb eləmişəm”.

Adətən biz öyrəşmişik ki, yıxılana təpik vuraq, baltalayaq. Sənsə yıxılmamışdın, vallah, yıxılmamışdın. Sən o gün özünü yıxılmışlığa vurdun, bizlər də yeyib bitirdik səni.

İndisə canı-könüldən rəhmət oxuyuruq: Ruhun şad olsun!

Tarix
2018.08.06 / 16:53
Müəllif
Vəli Hüseyn
Şərhlər
Загрузка...
Digər xəbərlər

Azərbaycanlı şərhçi Türkiyədə fenomenə çevrildi - Foto

Hamı Heydər Əliyev haqda bu sözü deyirdi - Video

Baba Vəziroğluna ağır itki

Şeyx Səfinin ustadı, məşhur mürşid anıldı - Foto

Leyla Əliyeva babasını belə andı – Video

Qaydulyan rus tamaşaçıları söydü: Qoyun sürüsü… - Video

Heydər Əliyevə layiq "şah əsər" - Qusman

Azərbaycanlı gəncdən şəhidlərimizə hörmətsizlik...

Azərbaycanda məktəbin zirzəmisindən patronlar tapıldı

Bakıda xərçəngi müalicə edən qurğu oğurlandı - Video

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla