Bəzi məşhurlar xeyriyyə məqsədilə bir araya gələrək şokolad bişiriblər.

Kult.az xəbər verir ki, ağır xəstəlikdən əziyyət çəkən 11 yaşlı İlhamə Nağızadənin müalicəsi üçün tələb edilən vəsaitin yığılması üçün məşhurlar bir araya gəlib.

“Smart Ovl”un direktoru, məşhur teleaparıcı İlhamiyyə Rzanın təşkil etdiyi xeyriyyə kampaniyasına Səhiyyə Nazirliyinin mətbuat xidmətinin rəhbəri Pərviz Əbubəkirov, müğənni Samira da qoşulub. Onlar xeyriyyə məqsədilə kişik şokoladlar hazırlayaraq satışa çıxarıblar.

Satışdan əldə edilən vəsait 11 yaşlı İlhamənin müalicəsinə xərclənəcək. Kampaniyaya məşhur komediya ustası, aktyor Bəhram Bağırzadə də qoşulub. O, satış yarmarkasında uşaqlar üçün yazdığı kitablarını satacaq.

18 sentyabr tarixində açılacaq xeyriyyə yarmarkasında həmçinin Art klubda hazırlanmış orijinal formalı ətirli sabunlar, qeyri-adi şamlar, ləzzətli şokoladlar, vitraj rəsm texnikası ilə işlənmiş şüşə qablar, gözəl müçrülər satışa çıxarılacaq.