Ana səhifə Hadisə |
Deputat Tahir Kərimli Milli Məclisin noyabrın 2-də keçirilən plenar iclasında “Azərbaycan Respublikası Dövlət himninin musiqisinin və mətninin təsdiq edilməsi haqqında” Konstitusiya qanununun müzakirəsi zamanı digər himnlərin 2-2.5 dəqiqə olduğu halda, Azərbaycanın dövlət himninin 4 dəqiqə olduğunu deyib. O bildirib ki, himnimizin həcmi azaldılmalı, bədbin notlar götürülməlidir.
Kult.az xəbər verir ki, sözləri Əhməd Cavada, musiqisi isə Üzeyir Hacıbəyova məxsus olan Azərbaycan Respublikasının dövlət himni əslində 4 dəqiqə yox, 2 dəqiqə 13 saniyədir.
Bundan əlavə, digər dövlətlərin himninə nəzər salsaq görərik ki, himnimiz heç də deyildiyi kimi uzun və yorucu deyil.
Yunanıstanda dövlət himni (“Hymn to Liberty” - Azadlıq himni) 2 dəqiqə 2 saniyə, Rusiyada 3 dəqiqə 51 saniyə, İspaniyada 2 dəqiqə 3 saniyə, Norveçdə 3 dəqiqə 26 saniyədir.
Qeyd edək ki, hazırda dünyada himnlər üçün normal zaman 2-2,5 dəqiqədir ki, bunu millət vəkili Tahir Kərimli özü də vurğulayıb.
Tarix
2018.11.05 / 14:40
|
Müəllif
Büllurə Yunus
|