Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Noyabr 2018


Sədr müavininə dəstək: Səviyyəsizləri efirə buraxmaq...

Ana səhifə Hadisə
12 Punto 14 Punto 16 Punto 18 Punto

Televiziya verilişlərinin konkret missiyası var. O, əxlaqsızlığı, cəmiyyət üçün yaramayan insanları təbliğ etməyi qarşısına məqsəd qoya bilməz. İctimai nüfuzu olan, elm, sənət adamlarını, cəmiyyətə nümunə ola biləcək şəxsləri bir kənara qoyub, şou-biznesin mənbəyi məlum olmayan pullarla özünə yaratdığı şərait haqqında silsilə və cazibədar verilişlər yayımlamaq yolverilməzdir.

Bu sözləri Kult.az-a açıqlamasında media eksperti, professor Qulu Məhərrəmli Milli Televiziya və Radio Şurası (MTRŞ) sədrinin müavini Qafar Cəbiyevin televiziyalarla bağlı "Xalq qəzeti"ndə dərc olunan məqaləsinə münasibət bildirərkən deyib. O vurğulayıb ki, sədr müavini çox ciddi məsələlərə toxunub:

“Bu mövzu zaman-zaman mediada, saytlarda, sosial şəbəkələrdə ciddi müzakirə olunur. MTRŞ-nin sədr müavininin buna reaksiya verməsi çox yaxşı haldır. Hansısa bir telekanal ixtisaslaşıb bu sahə üzrə gedə bilər. Amma bəla orasındadır ki, televiziya kanallarının 70-80 faizi bu düşüncə altında verilişlər hazırlayır.

Bu da aydın məsələdir ki, televiziyalar təbliğ etdiyi insanlardan pul alırlar, öz maddiyyatlarını düşünürlər. Televiziyanın işi və məqsədi bu deyil. Televiziya cəmiyyəti dolğun şəkildə məlumatlandırmalı, maarifləndirməlidir.

Səviyyəsiz, dar düşüncəli, zövqü aşağı olan insanları aparıcı kimi təqdim etmək yanlışdır. Əlbəttə, problemli insanların efirdə bu dərəcədə qabardılması yolverilməzdir”.

Ekspertin sözlərinə görə, efirdə yayımlanan kriminal xarakterli xəbərlərlə bağlı Q.Cəbiyevin narahatlığı da tam yerindədir:

“Hərdən insanda elə təsəvvür yaranır ki, bu ölkədə ancaq kriminal hadisələr, oğurluq, məişət zorakılığı baş verir. Axı, bunlar bizim üçün xarakterik olmayan şeylərdir. Belə hallar cəmiyyətdə təbliğ olunduqca artmağa başlayır. İnsanlar bəzən televiziyanın göstərdiklərini təkrar etməyə, yamsılamağa çalışanda fəlakət baş verir. Ona görə də MTRŞ-nin sədr müavininin reaksiyasını təqdir edirəm. Düşünürəm ki, bunlar davamlı, sistemli olmalı, vaxtaşırı tövsiyə xarakterli müəyyən mesajlar verilməlidir. Təəssüf ki, televiziyalarımızda düşüncəni inkişaf etdirmək baxımından imkanlar çox məhduddur, cəmiyyətə ictimai mesajlar verə bilmir”.

Qeyd edək ki, Milli Televiziya və Radio Şurası (MTRŞ) sədrinin müavini, tarix elmləri doktoru, Əməkdar jurnalist Qafar Cəbiyev "Xalq qəzeti"ndə dərc olunan məqaləsində televiziyalarımızın hazırkı vəziyyətini sərt tənqid edib.

Tarix
2018.11.06 / 15:50
Müəllif
Büllurə Yunus
Şərhlər
Загрузка...
Digər xəbərlər

Kosovoda himnimizə qarşı hörmətsizlik...

Deputat “Diriliş Ərtoğrul”un qəhrəmanı ilə görüşdü - Foto

“Atalar və Qızlar” layihəsi: Video çək, iştirak et

Paşayeva onun ölümü haqda: Dünən bir yerdəydik... - Foto

Xalq artisti: Qavalı başına vururam... - Foto

Güneyli futbolçular “Qarabağ”ı xorla oxudu - Video

Novruz Novruzlu vəfat etdi

Gürcüstanda azərbaycanlı jurnalist dünyasını dəyişdi

Bakıda xurmadan meyvə milçəyi aşkarlandı - Foto

Kral ailəsində “Markl qasırğası”: Etiket qaydalarını pozur

KULT
<>
Xəbər xətti
 
  
  
Axar.az'da reklam Bağla
Reklam
Bize yazin Bağla