Ana səhifə Hadisə |
AMEA-nın prezidenti, akademik Akif Əlizadənin rəhbərlik etdiyi nümayəndə heyəti Kiyevdə Ukrayna Milli Elmlər Akademiyasının (UMEA) yaranmasının 100 illiyinə həsr olunmuş beynəlxalq konfransda iştirak edib.
Kult.az-ın məlumatına görə, xarici ölkələrin akademiklərinin iştirak etdiyi konfransda akademik Akif Əlizadə UMEA-nın 100 illik yubiley medalı ilə təltif olunub.
Tədbirdə çıxış edən AMEA rəhbəri Akif Əlizadə Prezident İlham Əliyevin diqqət və qayğısı sayəsində Azərbaycanda elmin inkişafı istiqamətində mühüm işlərin görüldüyünü, bu gün iki ölkənin ali elm ocaqları arasında səmərəli əməkdaşlıq əlaqələrinin mövcud olduğunu bildirib.
UMEA-nın 100 illik tarixində böyük inkişaf yolu keçdiyini deyən akademik A.Əlizadə bu qurumun nəinki ölkəsi, həm də xarici dövlətlər üçün yüksək ixtisaslı kadrlar yetişdirdiyini diqqətə çatdırıb.
Tarix
2018.12.07 / 15:43
|
Müəllif
Büllurə Yunus
|